ছিপাঝাৰ, ১৫ নৱেম্বৰ : ৰাজ্যত পুনৰ উদ্ধাৰ অচিনাক্ত মহিলাৰ মৃতদেহ । অৰ্ধগলিত অৱস্থাত উদ্ধাৰ মহিলাৰ মৃতদেহ । মৃতদেহৰ উদ্ধাৰক কেন্দ্ৰ কৰি তীব্ৰ চাঞ্চল্য(Dead Dody Recovered ) ।
ৰাজ্যত প্ৰতিদিনে উদ্ধাৰ হয় এটাৰ পিছত আন এটা ৰহস্যজনক মৃতদেহ। প্ৰতিদিনে সংবাদ মাধ্য়মৰ শিৰোনাম দখল কৰে মৃতদেহ উদ্ধাৰৰ ঘটনাই। ৰাজ্যত ধাৰাবাহিক ভাৱে ইটোৰ পিছত সিটো মৃতদেহ উদ্ধাৰ হৈ আছে । ৰাজ্যত ক্ৰমাৎ বৃদ্ধি হৈছে অপৰাধজনিত ঘটনা । বিগত দিনসমূহত ৰাজ্যৰ প্ৰতিটো প্ৰান্তত মৃতদেহ উদ্ধাৰৰ ঘটনাই বাতৰিৰ শিৰোনাম দখল কৰি আহিছে ।
এইবাৰ দৰঙত সংঘটিত হৈছে এক চাঞ্চল্যকৰ ঘটনাৰ । দৰং জিলাৰ ছিপাঝাৰৰ বানেকুছি গাঁৱত উদ্ধাৰ হৈছে এগৰাকী অচিনাক্ত মহিলাৰ মৃতদেহ । শৌচাগাৰৰ টেংকিত অৰ্ধগলিত অৱস্থাত উদ্ধাৰ হয় মৃতদেহটো ।
জানিব পৰা মতে, বস্তাৰে মেৰিয়াই থোৱা অৱস্থাত আছিল মৃতদেহটো(Dead Dody Recovered in Sipajhar) ।
উল্লেখ্য যে, ছিপাঝাৰৰ বানেকুছি গাঁৱৰ কিশোৰ কলিতা নামৰ লোকজনৰ ঘৰৰ শৌচালয়ৰ টেংকিৰ পৰা বস্তাৰে মেৰিয়াই পেলাই থোৱা অৱস্থাত উদ্ধাৰ হৈ অচিনাক্ত যুৱতীৰ মৃতদেহ ।
ঘটনা অনুসৰি, পৰিয়ালৰ লোকে শৌচালয়লৈ যোৱাৰ সময়ত মৃতদেহটো প্ৰত্যক্ষ কৰিছিল। এই ঘটনা পোহৰলৈ অহাৰ লগে লগে আৰক্ষীক ঘটনাৰ সম্পৰ্কে খবৰ দিয়ে । আৰক্ষীয়ে ঘটনাৰ খবৰ পোৱাৰ লগে লগে পাথৰিঘাট আৰক্ষী ঘটনাস্থলীত উপস্থিত হৈ ঘটনাৰ সম্পৰ্কে তদন্ত আৰম্ভ কৰে ।
স্থানীয় লোকে কোনো দুৰ্বৃত্তই মহিলাগৰাকীক ধৰ্ষণ কৰি হত্যা কৰাৰ সন্দেহ প্ৰকাশ কৰিছে । অৱশ্যে, এই পৰ্যন্ত মৃত মহিলাগৰাকীৰ পৰিচয় চিনাক্ত হোৱা নাই।
বৰ্তমান দৰং আৰক্ষীয়ে সমগ্ৰ ঘটনা সন্দৰ্ভত তদন্ত আৰম্ভ কৰিছে। আৰক্ষীৰ তদন্ত হে পোহৰলৈ আহিব প্ৰকৃত ঘটনা । বৰ্তমান ৰহস্য আৱৰ্তনত আছে সমগ্ৰ ঘটনা ।
লগতে পঢ়ক : Deadbody recovered in Lakhimpur : দীপাৱলীৰ আনন্দ উল্লাহৰ মাজতে ৰহস্যজনকভাৱে উদ্ধাৰ যুৱকৰ মৃতদেহ