চিলাপথাৰ,৩০জুলাই : চিমেন চাপৰিত ৰহস্য জনক ভাৱে উদ্ধাৰ মৃতদেহ। মঙলবাৰে চিলাপথাৰৰ চিমেন চাপৰি থানাৰ সন্মুখতে ৰহস্য জনক ভাৱে উদ্ধাৰ হয় এজন লোকৰ মৃতদেহ।
জানিব পৰা মতে, চিমেন চাপৰি নতুন ৰংপুৰীয়া গাৱঁৰ দিন হাজিৰা কৰা অজিত বৰা(৪২)নামৰ লোকজনে দেওবাৰে বিয়লি চিমেন চাপৰি দেওবৰীয়া সাপ্তাহিক বজাৰলৈ শাক-পাচলি কিনিবলৈ ওলাই গৈছিল।তাৰ পিছতে ৰাতিলৈকে ঘৰ উভতি অহা নাছিলে । ঘৰলৈ নহাত পৰিয়ালৰ লোকে বিচাৰ খোচৰ কৰে যদিও কোনো ধৰণৰ সন্ধান নাপাই অজিত বৰাৰ(Dead body recovered in Silapathar)।
উল্লেখ্য যে, সন্ধানহীন হোৱাৰ প্ৰায় ৩৬ ঘন্টাৰ ভিতৰতে চিমেন চাপৰি থানাৰ সন্মুখত ৰাষ্ট্ৰীয় ঘাইপথৰ দাঁতিত আজি পুৱা শৰীৰ চৰ্চা কৰি থকা যুৱক কেইজনে অজিত বৰাক মৃত প্ৰত্যক্ষ কৰে আৰু আৰক্ষীক খবৰ দিয়ে । আৰক্ষীয়ে মৃতদেহটো উদ্ধাৰ কৰি ধেমাজি অসামৰিক চিকিৎসালয়লৈ প্ৰেৰণ কৰে ।
পৰিয়ালৰ লোকৰ অভিযোগ অনুসৰি, কোনোবা দুষ্ট চক্ৰই এই কাম কৰাৰ অভিযোগ উত্থাপন কৰিছে। চিমেন চাপৰি থানাৰ সন্মুখতে এনে ঘটনা সংঘটিত হোৱাৰ বাবে তীব্ৰ চাঞ্চল্যৰ সৃষ্টি হৈছে ।
লগতে পঢ়ক : Wayanad landslides: কেৰালাৰত সংঘটিত হোৱা ভূমিস্খলনত মৃতকৰ সংখ্যা বৃদ্ধি