নিউজ ডেস্ক,২১ডিচেম্বৰ : পুনৰ ৰাজ্যত মৃতদেহ উদ্ধাৰ । ৰাজ্যত প্ৰতিদিনে উদ্ধাৰ হয় এটাৰ পিছত আন এটা ৰহস্যজনক মৃতদেহ। প্ৰতিদিনে সংবাদ মাধ্য়মৰ শিৰোনাম দখল কৰে মৃতদেহ উদ্ধাৰৰ ঘটনাই। ৰাজ্যত প্ৰতিদিনে বৃদ্ধি হৈছে অপৰাধ আৰু অপৰাধীৰ সংখ্যা । আৰক্ষী যিমানে সষ্টম হৈছে সিমানে একাংশ দুষ্ট চক্ৰই চলাই আহিছে অপৰাধ।
ৰাজ্যত ক্ৰমাৎ বৃদ্ধি হৈছে অপৰাধজনিত ঘটনা । বিগত দিনসমূহত ৰাজ্যৰ প্ৰতিটো প্ৰান্তত মৃতদেহ উদ্ধাৰৰ ঘটনাই প্ৰতিদিনে বাতৰিৰ শিৰোনাম দখল কৰি আহিছে (Dead Body Found in Duliajan)।
দুলীয়াজানত চাঞ্চল্যৰ ঘটনা। দুলীয়াজানৰ কমলাবাৰী পথৰ দাঁতিত নলাত উদ্ধাৰ যুৱকৰ মৃতদেহ। উদ্ধাৰ হোৱা মৃতদেহটো মধুটিং অঞ্চলৰ ৰিপ গগৈ বুলি চিনাক্ত কৰা হৈছে।
উদ্ধাৰ হোৱা মৃতদেহৰ কাষত এখন মটৰচাইকেল, দুটা হেলমেট আৰু দুযোৰ চেণ্ডেল উদ্ধাৰ হৈছে যাৰ বাবে এতিয়া চাঞ্চল্যৰ সৃষ্টি হৈছে।
এই ঘটনা পোহৰলৈ অহাৰ পিছতে আৰক্ষী ঘটনাস্থলীত উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে ডিব্ৰুগড় অসম চিকিৎসা মহাবিদ্যালয় হাস্পতাললৈ প্ৰেৰণ কৰে।
লগতে পঢ়ক :Road accident in Goalpara:দলঙৰ ৰেলিং ভাঙি দ খাৱৈত পৰিল BSFৰ বাহন