নেশ্যনেল ডেস্ক, ১৪ ছেপ্টেম্বৰ : CRPF ৰ শিবিৰত উদ্ধাৰ আৰক্ষী জোৱানৰ মৃতদেহ ।
ছত্তীশগড়ৰ চুকমা জিলাত সংঘটিত হৈছে এক চাঞ্চল্যকৰ ঘটনা ।চুকমা জিলাৰ CRPF ৰ শিবিৰত উদ্ধাৰ এগৰাকী জোৱানৰ মৃতদেহ । গাদিৰাছ আৰক্ষী থানাৰ অন্তৰ্গত চিআৰপিএফৰ ২২৬ নম্বৰ বেটেলিয়নৰ শিবিৰত সংঘটিত হৈছে এই ঘটনাটো । নিহত জোৱানজনক বিপুল ভূঞা বুলি জানিব পৰা গৈছে (CRPF head constable shoots himself dead in Chhattisgarh)।
প্ৰাপ্ত তথ্য মতে,শনিবাৰে পুৱা প্ৰায় ৪ বজাত বিপুল ভূঞা নামৰ জোৱানজনে বাথৰুমলৈ গৈছিল আৰু তাতেই তেওঁ গুলীচালনা কৰে ।বাথৰুমত গুলীচালনাৰ শব্দ শুনাৰ লগে লগে শিবিৰটোত হাহাকাৰ পৰিস্থিতিৰ সৃষ্টি হয় । পিচত সহযোগী জোৱানসকলে বাথৰুমলৈ গৈ জোৱানজনক তেজেৰ লুতুৰি-পুতুৰি অৱস্থাত উদ্ধাৰ কৰে । ঘটনাস্থলীতে জোৱানজনৰ মৃত্যু হয় ।
এই ঘটনা পোহৰলৈ অহাৰ লগে লগে ঘটনা সন্দৰ্ভত তাৎক্ষণিকভাৱে চিআৰপিএফৰ জ্যেষ্ঠ বিষয়াসকলক খবৰ দিয়া হয় ।লগতে স্থানীয় আৰক্ষীকো খবৰ দিয়া হয়(CRPF head constable shoots himself dead) ।
ঘটনা সন্দৰ্ভত খবৰ পোৱাৰ লগে লগে চিআৰপিএফ আৰু স্থানীয় আৰক্ষী বাহিনী ঘটনাস্থলীত উপস্থিত হয় । আৰক্ষীয়ে মৃতদেহটো উদ্ধাৰ কৰে আৰু মৰণোত্তৰ পৰীক্ষাৰ বাবে চিকিৎসালয়লৈ প্ৰেৰণ কৰে ।
বৰ্তমানলৈ জানিব পৰা হোৱা নাই মৃত জোৱান বিপুল ভূঞা আত্মহত্যা কাৰণ ।বৰ্তমান ঘটনা সন্দৰ্ভত তদন্ত চলি আছে সমগ্ৰ প্ৰক্ৰিয়াৰ পিচত জোৱানজনৰ মৃতদেহ গৃহৰাজ্যলৈ প্ৰেৰণ কৰা হ’ব । জোৱানজনৰ মৃত্যুক লৈ শিবিৰটোত শোকৰ ছাঁ পৰিছে ।