নিউজ ডেস্ক, ১৯ ফেব্ৰুৱাৰী : চুৰি কৰা গৰু বিক্ৰী কৰিবলৈ আহি ৰোষত পৰিল তিনি যুৱক ।
এইবাৰ গৰু চোৰক কেন্দ্ৰ কৰি ভৱানীপুৰ গলীয়া পশু বজাৰত উত্তপ্ত পৰিস্থিতি(Cow theft Arrested in Bhawanipur)।
জানিব পৰা মতে, তিনিদিন পূৰ্বে পাঠশালাৰ বজালী জিলা উপায়ুক্তৰ সমীপৰ চৰণীয়া পথাৰৰ পৰা চোৰ হৈছিল তিনিটাকৈ গৰু। চুৰি কৰা গৰু তিনিটা পাঠশালাৰ নীলমনি চৌধুৰীয়ে বিক্ৰী কৰিছিল ২৫ হাজাৰ টকাত । আজি ৩ জন যুৱেকে নীলমনিৰ পৰা ক্ৰয় কৰা দুটা গৰু বিক্ৰী কৰিবলৈ গৈছিল গলিয়া পশু বজাৰত। কিন্তু আকস্মিকভাৱে গৰুৰ গৰাকীয়ে বজাৰ খনত যাঁওতে নিজৰ গৰু কেইটা চিনি পোৱাত সমস্ত ঘটনা পোহৰলৈ আহে।
ইতিমধ্যে আৰক্ষী গৰু চোৰ নীলমণিৰ পৰা গৰু ক্ৰয় কৰা ৰাকেশ দাস ( জালিখাটা) ,ইব্ৰাহীম আলি ( ডুবি) আৰু ৰৌপ হুছেইন ( পাঠশালা ইছলাম পুৰ) ক ভবানীপুৰ আৰক্ষী য়ে গ্ৰেপ্তাৰ কৰিছে। ইয়াৰে এটা গৰু ৰাকেশ দাসৰ গৃহৰ পৰা উদ্ধাৰ কৰা হয় । ৰাকেশে এটা গৰু পুহিবলৈ ৰাখি থৈছিল। ঘটনা সন্দৰ্ভত গৰুৰ গৰাকী অপূৰ্ব কাকতি ভবানীপুৰ আৰক্ষী চকীত এজাহাৰ দাখিল কৰিছে।