CM Himanta Biswa Sarma inaugurates pranab baruah kalakshetra : দিনজোৰা কাৰ্যসূচীৰে নগাঁৱত উপস্থিত মুখ্যমন্ত্ৰী ড৹ হিমন্ত বিশ্ব শৰ্মা
নিউজ ডেস্ক, ২৫ ফেব্ৰুৱাৰী : সমাগত লোকসভা নিৰ্বাচন । লোকসভা নিৰ্বাচনৰ প্ৰাকমুহূৰ্তত দেওবাৰে পুৱাই নগাঁৱত উপস্থিত মুখ্যমন্ত্ৰী ড৹ হিমন্ত বিশ্ব শৰ্মা । দেওবাৰে দিনজোৰা কাৰ্যসূচী লৈ নগাঁৱত উপস্থিত হৈছে মুখ্যমন্ত্ৰী গৰাকীয়ে ।নগাঁৱত উপস্থিত হৈ মুখ্যমন্ত্ৰী গৰাকীয়ে উদ্ধোধন কেবাটাও উন্নয়নমূলক আঁচনিৰ,স্থাপন কৰে আধাৰশিলা(CM Himanta Biswa Sarma inaugurates pranab baruah kalakshetra in Nagaon) ।
কেবাটাও কাৰ্যসূচী হাতত লৈ নগাঁৱত উপস্থিত হোৱা ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাই উদ্বোধন কৰে চিত্ৰশিল্পী প্ৰণৱ বৰুৱা কলাক্ষেত্ৰ । প্ৰায় ডেৰ কোটি টকা ব্যয় সাপেক্ষে যশশ্বী চিত্ৰশিল্পী প্ৰণৱ বৰুৱাৰ স্মৃতিত নগাঁও আৱৰ্ত ভৱনৰ সন্মুখত নিৰ্মাণ কৰি উলিওৱা প্ৰণৱ বৰুৱা কলাক্ষেত্ৰ উদ্বোধন কৰে মুখ্যমন্ত্ৰীগৰাকীয়ে ৷
প্ৰণৱ বৰুৱা কলাক্ষেত্ৰ উদ্বোধনী অনুষ্ঠানত প্ৰখ্যাত ভাস্কৰ্যশিল্পী বীৰেন সিংহৰ সুনিপুন হাতত প্ৰাণ পাই উঠা শিল্পী প্ৰণৱ বৰুৱাৰ প্ৰতিমূৰ্তিও মুকলি কৰে মুখ্যমন্ত্ৰী ড৹ হিমন্ত বিশ্ব শৰ্মাই । উদ্বোধনী অনুষ্ঠানতে প্ৰণৱ বৰুৱা শিল্পী বঁটা-২০২৪ ও প্ৰদান কৰা হয় ।
অসমৰ যশস্বী চিত্ৰশিল্পী চম্পক বৰবৰাক চিত্ৰশিল্পী প্ৰণৱ বৰুৱা বঁটা প্ৰদান কৰে ৰাজ্যৰ মুখ্যমন্ত্ৰীগৰাকীয়ে ।
উল্লেখযোগ্য যে এই অনুষ্ঠানতে ভাৰতৰ যশস্বী চিত্ৰশিল্পী যতীন দাস সন্মানীয় অতিথিৰূপে আৰু বিশিষ্ট অতিথিৰূপে প্ৰখ্যাত চিত্ৰশিল্পী জীতেন হাজৰিকাও উপস্থিত থকাৰ লগতে অনুষ্ঠানত উপস্থিত থাকে মন্ত্ৰী পীযুষ হাজৰীকা, বিধায়ক ৰূপক শৰ্মা আৰু বিধায়ক শশীকান্ত দাস ।
লগতে পঢ়ক : Huge explosion in fireworks factory : আতচবাজী কাৰখানাত ভয়ংকৰ বিস্ফোৰণ; জীৱন্তে অগ্নিদগ্ধ ৮জনকৈ লোক