Chain snatching in Guwahati : প্ৰাতঃভ্ৰমণলৈ যোৱা মহিলাক চোকা অস্ত্ৰ দেখুৱাই ডিঙিৰ পৰা কাঢ়িলে সোণৰ চেইন
নিউজ ডেস্ক,১২ছেপ্তেম্বৰ : ৰাজ্যত দিনক দিনে বৃদ্ধি পাইছে চিলনী চোৰৰ সন্ত্ৰাস । দিন দুপৰতে চিলনী চোৰে কাঢ়ি লৈ যায় বিভিন্ন মূল্যবান সামগ্ৰী ৷
বিগত কেইবাদিন ধৰি ৰাজ্যত প্ৰায়েই সংঘটিত হৈ আহিছে ম’বাইল চুৰিকে বিভিন্ন চুৰিকাণ্ডৰ ঘটনা ৷ যদি কেতিয়াবা কাৰোবাৰ জেপৰ পৰা ফোন কাঢ়িছে, কেতিয়াবা আকৌ কথা পাতি থকা অৱস্থাতেই চোৰে কাঢ়ি লৈ যায় ম’বাইল ৷ কেতিয়াবা আকৌ ৰাস্তৰে গৈ থকা অৱস্থাত মহিলাৰ পৰা সোণৰ চেইন কাঢ়ি লৈ গৈছে ।মুঠতে ৰাজ্যত একপ্ৰকাৰে সন্ত্ৰাসৰ সৃষ্টি কৰি আহিছে চোৰে(Thief terro in Guwahati) ৷
ইফালে মহানগৰী গুৱাহাটীত চিলনী চোৰৰ সন্ত্ৰাস দিনক দিনে বৃদ্ধি পাইছে । স্মাৰ্ট আৰক্ষীৰ ব্যৰ্থতাৰ সুযোগ লৈ মহানগৰীত সঘনাই বৃদ্ধি পাবলৈ ধৰিছে চেইন চুৰি, মোবাইল চুৰিৰ দৰে একাধিক অপৰাধমূলক ঘটনা । ইয়াৰ মাজতেই বৃহস্পতিবাৰে পুনৰ অনুৰূপ ঘটনা সংঘটিত হয় । এগৰাকী মহিলাই প্ৰাতঃভ্ৰমণলৈ ওলাই যাওঁতে চোকা অস্ত্ৰ দেখুৱাই দুৰ্বৃত্তই কাঢ়ি নিলে ডিঙিৰ সোণৰ চেইন(Chain snatching in Guwahati) ।
মহানগৰীৰ ছয়মাইলৰ ভি আই পি পথত সংঘটিত হৈছে এই ঘটনাটো । ভুক্তভোগী মহিলাগৰাকীয়ে এই ঘটনাৰ বিষয়ে বৰ্ণনা কৰি কয়, “নম্বৰ প্লেটবিহীন এখন বাইকত অহা দুটা চিলনী চোৰে প্ৰথমতে মোক কিবা এটা সুধিবলৈ ৰয় । তাৰ পিচত এজনে মোক চোকা অস্ত্ৰ দেখুৱাই ডিঙিৰ পৰা সোণৰ চেইনডাল কাঢ়ি লৈ পলায়ন কৰে ।”
ইফালে চিলনী চোৰে টনা-আঁজোৰা কৰাত মহিলাগৰাকীযে ডিঙিত আঘাত পায় । পিচত ভুক্তভোগী মহিলাগৰাকীয়ে ‘চোৰ চোৰ’ বুলি চিঞৰাত উক্ত স্থানত কেইজনমান লোক উপস্থিত হয় যদিও চোৰ দুটা পলাই যাবলৈ সক্ষম হয়।