Central Minister Sarbananda Sonowal takes oath : অসমীয়াতে শপত বাক্য পাঠ কৰিলে কেন্দ্ৰীয় মন্ত্ৰী সৰ্বানন্দ সোণোৱালে
নিউজ ডেস্ক,২৪জুন : আজিৰে পৰা অষ্টাদশ লোকসভাৰ বিশেষ অধিৱেশন । আজি নৱনিৰ্বাচিত সাংসদসকলৰ শপত গ্ৰহণ কৰে ৷ আজি প্ৰধানমন্ত্ৰী নৰেন্দ্ৰ মোদীসহ সাংসদ পদৰ শপতগ্ৰহণ কৰিলে বহুতেই। এই শপত গ্ৰহণ কৰায় প্ৰ’টেম অধ্যক্ষ ভাৰত্ৰুহৰি মাহতাবে।
সংসদৰ চেণ্ট্ৰেল হলত আয়োজিত এক অনুষ্ঠানত প্ৰথমে শপতগ্ৰহণ কৰে সংসদৰ প্ৰটেম অধ্যক্ষ ভাৰ্তুহৰি মেহতাবে । মেহতাবক শপত বাক্য পাঠ কৰোৱায় ৰাষ্ট্ৰপতি দ্ৰৌপদী মুৰ্মূৱে । তাৰ পিচতেই অষ্টাদশ লোকসভালৈ নিৰ্বাচিত সংসদৰ সদস্যসকলক শপতবাক্য পাঠ কৰোৱাই প্ৰটেম অধ্যক্ষগৰাকীয়ে(Central Minister Sarbananda Sonowal takes oath) ৷
লোকসভাত প্ৰধানমন্ত্ৰী নৰেন্দ্ৰ মোদীয়ে সংসদৰ সদস্য হিচাপে শপতগ্ৰহণ কৰে ৷ মোদীৰ পাচতে শপত লোৱা দেখিবলৈ পোৱা যায় অমিত শ্বাহ, ৰাজনাথ সিং আদিকে ধৰি মোদী মন্ত্ৰীসভাৰ সদস্যসকলক ৷
সোমবাৰে সাংসদৰূপে শপতগ্ৰহণ কৰে কেন্দ্ৰীয় কেবিনেট মন্ত্ৰী সৰ্বানন্দ সোণোৱালে ।কেন্দ্ৰীয় মন্ত্ৰী সোণোৱালে অসমীয়াত শপত গ্ৰহণ কৰে ।
মাতৃভাষা অসমীয়াত সোণোৱালে শপত লয় — “মই সৰ্বানন্দ সোণোৱাল, লোকসভাৰ সদস্য নিৰ্বাচিত হোৱাত ঈশ্বৰৰ নামত শপত খাই কওঁ যে, বিধিৰ দ্বাৰা স্থাপন কৰা ভাৰতৰ সংবিধানৰ প্ৰতি মই প্ৰকৃত বিশ্বাস আৰু নিষ্ঠা পোষণ কৰিম । মই ভাৰতৰ প্ৰভুত্ব আৰু অখণ্ডতা অক্ষুণ্ণ ৰাখিম আৰু মই গ্ৰহণ কৰিবলৈ ওলোৱা কৰ্তব্য শ্ৰদ্ধাপূৰ্বক নিৰ্বহন কৰিম ৷”
প্ৰধানমন্ত্ৰী নৰেন্দ্ৰ মোদীৰ মন্ত্ৰীসভাৰ জ্যেষ্ঠ কেবিনেট মন্ত্ৰী সৰ্বানন্দ সোণোৱালক সোমবাৰে লোকসভাত প্ৰধানমন্ত্ৰী নৰেন্দ্ৰ মোদীৰ আসনৰ ঠিক পিচৰ শাৰীতেই অৰ্থাৎ দ্বিতীয় শাৰীত দেখা পোৱা যায় ।