Cattle Smuggling : ৰূপহীহাটৰ আমবাগানত উত্তপ্ত পৰিস্থিতি;গৰু চোৰক কেন্দ্ৰ কৰি উত্তপ্ত পৰিস্থিতি ৰাইজৰ মাজত
ৰূপহীহাট,২৪জুন : ৰাজ্যত অব্যাহত আছে গৰু চোৰৰ উপদ্ৰৱ। ৰূপহীহাটৰ আমবাগানত প্ৰতি নিশাই কোনোবা নহয় কোনোৱা এটা পৰিয়ালৰ গোহালিত চোৰে চলাই চাফাই অভিযান।
দেওবাৰে নিশা ৫ নং কাঠপাৰাৰ এঘৰৰ এজনী গাইগৰু চুৰ কৰি বিস্কুট কঢ়িওৱা গাড়ীত তুলি লৈ যাবলৈ ধৰা অৱস্থাত দুই গৰু চোৰক ৰাইজে হাতে লোতে কৰায়ত্ব কৰি আমবাগান আৰক্ষীক চমজাই দিয়ে। ধৃত চোৰ দুটা ইছমাইল হুছেইন আৰু ৰিয়াজুল আলম বুলি জানিব পৰা গৈছে(Cattle Smuggling)।
আৰক্ষীয়ে জব্দ কৰা বাহন খনৰ নম্বৰ AS-01-RC-4651 গৰুচোৰ ধৰাৰ খবৰ বিয়পি পৰাৰ লগে লগে স্থানীয় ৰাইজ আমবাগান আৰক্ষী চকীত উপস্থিত হয় আটকাধীন চোৰ দুটাক ৰাইজক চমজাই দিবলৈ দাবী জনাই উত্তপ্ত পৰিস্থিতিৰ সৃষ্টি কৰে। অতিৰিক্ত আৰক্ষীসহ কলিয়াবৰ মহকুমা আৰক্ষী বিষয়া উপস্থিত হৈহে পৰিস্থিতি নিয়ন্ত্ৰণ কৰে।
লগতে পঢ়ক : Moral Policing Incident : ম’বাইল চুৰিৰ সন্দেহত গণ প্ৰহাৰ দুই যুৱকক,নিহত এজন,আহত এজন