নিউজ ডেস্ক : ইৰাণত হিজাব বিৰোধী প্ৰতিবাদৰ মাজতে এগৰাকী নিৰিহ যুৱতীক গুলীয়াই হত্যা কৰাৰ ঘটনা পোহৰলৈ আহিছে৷ পেট, ডিঙি, হৃদযন্ত্ৰ আৰু হাতত গুলী লাগি মৃত্যু হয়। যুৱতীগৰাকীক অচিনাক্ত মৌলবাদীয়ে হত্যা কৰাৰ সন্দেহ কৰা হৈছে৷
প্ৰতিবাদৰ মাজতে এগৰাকী যুৱতীয়ে খোলা চুলি বান্ধি থকাৰ এটা ভিডিঅ’ ভাইৰেল হৈছিল৷ ভিডিঅ’ ভাইৰেল হোৱা যুৱতীগৰাকীকে গুলীয়াই হত্যা কৰাৰ খবৰ পোহৰলৈ আহিছে। যুৱতীক কবৰ দিয়াৰ ভিডিঅ’ পৰ্যন্ত ভাইৰেল হৈছিল সামাজিক মাধ্যমত। কবৰৰ ওচৰত এখন ফটো ৰাখি একাংশ লোকক কান্দি থকা দেখা গৈছে। যোৱা সপ্তাহৰ পৰা প্ৰদৰ্শনৰ সময়ত ইৰাণত হিংসা চলি আছে।
ইৰাণত আৰক্ষীৰ জিম্মাত ২২ বছৰীয়া মাহচা আমিনী নিহত হোৱাৰ পিছত এই প্ৰতিবাদৰ সূত্ৰপাত হৈছিল। হিজাব ভালদৰে পৰিধান নকৰাৰ বাবে মেহছাক গ্ৰেপ্তাৰ কৰা হৈছিল। আমিনীয়ে ১৬ ছেপ্টেম্বৰত শেষ নিশ্বাস ত্যাগ কৰিছিল। ইৰাণত মহিলাসকলে হিজাব পিন্ধাটো বাধ্যতামূলক। এই সপ্তাহত লণ্ডনত মাহলা আমিনীৰ মৃত্যুৰ বিৰুদ্ধে শ শ লোকেও প্ৰতিবাদ কৰিছিল।
ইৰাণ হিজাবৰ বিৰুদ্ধে প্ৰতিবাদ তীব্ৰতৰ হৈ উঠিছে। এই প্ৰতিবাদত ৪১ জনৰো অধিক প্ৰতিবাদকাৰীৰ মৃত্যু হৈছে। একে সময়তে, এতিয়ালৈকে ৭০০ ৰো অধিক লোকক গ্ৰেপ্তাৰ কৰা হৈছে। প্ৰতিবাদৰ সময়ত জৱাদ হায়দৰী নিহত হৈছে। প্ৰতিবাদৰ সময়তে নিহত জৱাদ হায়দৰীক কবৰ দিয়াৰ ভিডিঅ’ ভাইৰেল হৈ পৰিছে৷ ভাইৰেল ভিডিঅ’ত তেওঁৰ ভগ্নীয়ে কবৰত চুলি কাটি থকা দেখা গৈছে। আন একাংশ মহিলাই কবৰত ফুল আগবঢ়াছে। ইৰাণৰ সাংবাদিক আৰু কৰ্মী মাছিহ আলিনে জাদে কয় যে চুলি কাটি ইৰানী মহিলাসকলে দুখ আৰু ক্ষোভ দেখুৱাবলৈ চেষ্টা কৰিছে।