নিউজ ডেস্ক, ২৫ জুলাই : চুপাৰষ্টাৰ চলমান খান আৰু তেওঁৰ দেউতাক চেলিম খানৰ পাছত এইবাৰ মৃত্যুৰ ভাবুকি বলীউডৰ তাৰকা দম্পতী বিকি কৌশল আৰু কেটৰিনা কাইফক।
ছ’চিয়েল মিডিয়া যোগে মৃত্যুৰ ভাবুকি লাভ কৰাৰ পিছত মুম্বাই আৰক্ষীয়ে বিষয়টোৰ তদন্ত আৰম্ভ কৰিছে।
মুম্বাই আৰক্ষীয়ে কৈছিল যে Santacruz Police Stationত এজন অচিনাক্ত ব্যক্তিৰ বিৰুদ্ধে অভিযোগ দাখিল কৰা হৈছে।
যোৱা বছৰ ডিচেম্বৰত বিবাহপাশত আৱদ্ধ হোৱা তাৰকা দম্পতীহালে বৰ্তমানেও এই বিষয়ে কোনো মন্তব্য দিয়া নাই।
মুম্বাই আৰক্ষীয়ে কয় যে ” ছ’চিয়েল মিডিয়াৰ জৰিয়তে অভিনেতা কেটৰিনা কাইফ আৰু বিকি কৌশলক আজীৱন ভাবুকি দিয়াৰ অভিযোগত আৰক্ষীয়ে এজন অচিনাক্ত ব্যক্তিৰ বিৰুদ্ধে গোচৰ ৰুজু কৰি তদন্ত আৰম্ভ কৰে। Santacruz আৰক্ষী থানাত গোচৰ ৰুজু: মুম্বাই আৰক্ষী(sic),” ।
তেওঁলোকে আৰু কৈছে যে “Vicky Kaushal ৰ ৫০৬(২), ৩৫৪(D) IPC r/w sec 67 IT আইনৰ অভিযোগত Santacruz আৰক্ষী থানাত গোচৰ ৰুজু কৰা হৈছে। তেওঁ অভিযোগ কৰিছিল যে এজন ব্যক্তিয়ে তেওঁৰ পত্নীক অনুসৰণ কৰি আছে আৰু ইনষ্টাগ্ৰামত ভাবুকি প্ৰদান কৰি আহিছে আৰু ভাবুকিৰ বাৰ্তা পোষ্ট কৰি আছে”।
যোৱা মাহত, চুপাৰষ্টাৰ চলমান খান আৰু তেওঁৰ দেউতাক চেলিম খানেও মৃত্যুৰ ভাবুকি পাইছিল।
বাতৰি অনুসৰি, পত্ৰখন চেলিমৰ নিৰাপত্তা কৰ্মচাৰী আৰু আৰক্ষীয়ে বিচাৰি পাইছিল। আৰক্ষীয়ে এইটোও প্ৰকাশ কৰিছিল যে কেনেকৈ চিঠিখন এখন বেঞ্চত পোৱা গৈছিল য’ত চেলিমে সাধাৰণতে ৰাতিপুৱা খোজ কঢ়াৰ সময়ত বিৰতি লয়।
পত্ৰখনত কোৱা হৈছিল যে পিতৃ-পুত্ৰৰ যুটিটো ২৯ মে’ত গুলীয়াই হত্যা কৰা পাঞ্জাৱী গায়ক Sidhu Moose Walaৰ দৰে একে পৰিস্থিতিৰ সন্মুখীন হ’ব।