নিউজ ডেস্ক, ১১ জুন : অসম চৰকাৰক বাৰিষাৰ বানৰ বাবে সাজু হ’বলৈ আহ্বান আম আদমি পাৰ্টীৰ । অসমক উত্কট গ্ৰীষ্মপ্ৰবাহে জনতাক দহি নিয়াৰ পাছত বতৰ বিজ্ঞান কেন্দ্ৰই আগন্তুক দিনকেইটাত অসমত প্ৰৱল বৰষুণৰ শংকা প্ৰকাশ কৰিছে । অহা ১৯ জুন পৰ্যন্ত অসমৰ ব্ৰহ্মপুত্ৰ উপত্যকাত ৫০০ৰ পৰা ৬০০ চেন্টি মিটাৰলৈকে বৰষুণ হোৱা সম্ভাৱনা ব্যক্ত কৰিছে বতৰ বিজ্ঞান কেন্দ্ৰই । বতৰ বিজ্ঞান কেন্দ্ৰৰ এনে ভৱিষ্যদ্বাণীৰ পাছত আম আদমি পাৰ্টীয়ে বাৰিষাৰ এনে সাম্ভাব্য সংকট কালৰ বাবে অসম চৰকাৰক আগতীয়াকৈ সাজু হ’বলৈ আহ্বান জনায় ।
উল্লেখ যে যোৱা বছৰ অসমত হোৱা বানত ১২৪ জন লোকৰ মৃত্যু হৈছিল আৰু হাজাৰ হাজাৰ কোটি টকাৰ সা-সম্পত্তি তথা শ শ পশুধনৰ ক্ষয়-ক্ষতি হৈছিল । সেয়ে আম আদমি পাৰ্টীৰ ৰাজ্যিক সভাপতি ডা৹ ভবেন চৌধুৰী ডাঙৰীয়াই হিমন্ত বিশ্ব শৰ্মা চৰকাৰক এনে সংকট কালৰ বাবে সম্পূৰ্ণ সাজু হ’বলৈ আহ্বান জনাইছে।
উল্লেখ্য যে ভাৰতীয় বতৰ বিজ্ঞান বিভাগে দেওবাৰে জনোৱা এক তথ্য অনুসৰি পূব-মধ্য আৰৱ সাগৰৰ ওপৰেৰে অতি তীব্ৰ ঘূৰ্ণীবতাহ “বিপৰ্যয়” ৫ কিলোমিটাৰ প্ৰতি ঘণ্টা বেগত উত্তৰলৈ গতি কৰিছে (Biparjoy Cyclone)। যাৰ বাবে পৰৱৰ্তী ৬ ঘণ্টাত অত্যন্ত তীব্ৰতাৰে ঘূৰ্ণীবতাহ অহাৰ সম্ভাৱনা বৃদ্ধি পাইছে ।
বতৰ বিজ্ঞান কেন্দ্ৰৰ মতে, তীব্ৰগতিত ঘূৰ্ণীবতাহ প্ৰায় উত্তৰদিশে আগবাঢ়ি যোৱাৰ সম্ভাৱনা আছে আৰু ১৫ জুনত এই ঘূৰ্ণীবতাহে পাকিস্তান আৰু সংলগ্ন ভাৰতৰ সৌৰাষ্ট্ৰ আৰু কচ্ছৰ উপকূলত বিধ্বংসী ৰূপত দেখা দিব (Biparjoy Cyclone)। যাৰ প্ৰভাৱ পৰিব গুজৰাটৰ উপকূলীয় অঞ্চলত (India Meteorological Department)।
বতৰ বিজ্ঞান কেন্দ্ৰই জনোৱা অনুসৰি, অহা কেইঘণ্টামানৰ ভিতৰত ঘূৰ্ণীবতাহ মুম্বাইৰ পৰা প্ৰায় ৬০০ কিলোমিটাৰ WSW , পোৰবন্দৰৰ পৰা ৫৩০ কিলোমিটাৰ দক্ষিণ-দক্ষিণ-পশ্চিমত, দ্বাৰকাৰ পৰা ৫৮০ কিমি দক্ষিণ-দক্ষিণ-পশ্চিমত, নালিয়াৰ পৰা ৬৭০ কিলোমিটাৰ দক্ষিণ-দক্ষিণ-পশ্চিমত আৰু কাৰাচীৰ পৰা ৮৩০ কিলোমিটাৰ দক্ষিণত উপনীত হ’ব । তীব্ৰ গতিৰে ই উপকূলীয় অঞ্চলত খুন্দা মাৰিব পাৰে । এই ঘুৰ্ণীবতাহ উত্তৰদিশে আগবাঢ়ি যোৱাৰ সম্ভাৱনা আছে আৰু এই বিপৰ্যয় ঘূৰ্ণীবতাহ অধিক তীব্ৰতৰ ৰূপত ১৫ জুনত এ/এনৰ চাৰিওফালে পাকিস্তান আৰু সংলগ্ন সৌৰাষ্ট্ৰ আৰু কচ্ছ উপকূলৰ ওচৰত ভিএছচিএছ হিচাপে উপস্থিতিৰ সম্ভাৱনা প্ৰকাশ কৰে।
জাৰি কৰা সতৰ্কবাণী অনুসৰি, বিপৰ্যয়ে গুজৰাট উপকূলত আঘাত কৰাৰ সম্ভাৱনা নুই কৰিছে বতৰ বিজ্ঞান বিভাগে । কিন্তু ইয়াৰ পূব দিশত সৌৰাষ্ট্ৰ আৰু কচ্ছত ধাৰাসাৰ বৰষুণ আৰু ধুমুহাৰ সম্ভাৱনা আছে (Heavy rains)। এই ঘূৰ্ণীবতাহ পোৰবন্দৰৰ পৰা ২০০-৩০০ কিলোমিটাৰ দূৰেৰে পাৰ হোৱাৰ সম্ভাৱনা আছে । উপকূলত এনডিআৰএফ আৰু এছডিআৰএফৰ কেইবাটাও দল মোতায়েন কৰা হৈছে । বতৰ বিজ্ঞান কেন্দ্ৰৰ মতে ধুমুহাৰ গতি বেগ ১১ জুনত ৪০-৫০ কিলোমিটাৰ প্ৰতি ঘণ্টাৰ পৰা ৬০-৬৫ কিলোমিটাৰ প্ৰতি ঘণ্টালৈ বৃদ্ধি হ’ব পাৰে । একে সময়তে, ১২ জুনত ধুমুহাৰ গতি বেগ প্ৰতি ঘণ্টাত ৫০-৬০ কিলোমিটাৰ হ’ব পাৰে আৰু ১৩ ৰ পৰা ১৫ জুনলৈ বতাহে প্ৰতি ঘণ্টাত ৭০ কিলোমিটাৰ বেগত অতিক্ৰম কৰিব ।
১১ আৰু ১২ জুনত দক্ষিণ গুজৰাট আৰু সৌৰাষ্ট্ৰৰ উপকূলীয় জিলাবোৰৰ বেছিভাগতে বৰষুণ হোৱাৰ সম্ভাৱনা আছে । ১৩ আৰু ১৪ জুনত ৰাজ্যখনৰ সকলো ঠাইতে বৰষুণ হোৱাৰ সম্ভাৱনা আছে । ৰাজ্যখনৰ কেইবাটাও স্থান শুকুৰবাৰে ডাৱৰীয়া বতৰৰ লগতে ধুমুহাৰ দ্বাৰা প্ৰভাৱিত হৈছে । পাকিস্তানৰ কাৰাচী উপকূলত ইতিমধ্যে ৰেড এলাৰ্ট জাৰি কৰা হৈছে (Red alert in Karachi for Biparjoy Cyclone)। পাকিস্তানৰ কাৰাচী পোৰ্ট ট্ৰাষ্টে বিপৰ্যয়ৰ বাবে জাহাজ আৰু বন্দৰৰ সুৰক্ষাৰ বাবে জৰুৰীকালীন নিৰ্দেশনা জাৰি কৰিছে ।
পূব-মধ্য আৰৱ সাগৰৰ ওপৰেৰে তীব্ৰগতিত আগবাঢ়িছে ঘূৰ্ণীবতাহ বিপৰ্যয় (Biparjoy Cyclone)। ১১ৰ পৰা ১৫ জুনলৈ সৌৰাষ্ট্ৰ আৰু কচ্ছত ধাৰাসাৰ বৰষুণ আৰু ধুমুহাৰ সম্ভাৱনা আছে । পাকিস্তানৰ কাৰাচী উপকূলত ইতিমধ্যে ৰেড এলাৰ্ট জাৰি কৰা হৈছে ।
লগতে পঢ়ক : Security beefed : গৃহমন্ত্ৰীৰ ৰাজহুৱা বৈঠকৰ পূৰ্বে বিশাখাপট্টনমত অধিক কটকটীয়া কৰা হ’ল নিৰাপত্তা ব্যৱস্থা