Local, Vocal, Global

Watch | Barpeta news: বৈষ্ণৱ ধৰ্ম প্ৰচাৰক মহাপুৰুষ শ্ৰীশ্ৰী হৰিদেৱৰ আজি ৬০০ বছৰীয়া জন্মজয়ন্তী

বৰপেটা: বৈষ্ণৱ ধৰ্ম প্ৰচাৰক মহাপুৰুষ শ্ৰীশ্ৰী হৰিদেৱৰ আজি ৬০০ বছৰীয়া জন্মজয়ন্তী। সমগ্ৰ অসমৰ হৰিদেৱ গুৰুজনাৰ অনুগামী সত্ৰ, নামঘৰ সমুহৰ লগতে বিভিন্ন স্থানত হৰিদেৱৰ জন্মজয়ন্তী পালন কৰা হৈছে।
বৈষ্ণৱ গুৰুজনাই স্থাপন কৰা বৰপেটাৰ বহৰি সত্ৰত হৰিদেৱৰ জন্মজয়ন্তী দিনজেৰা কাৰ্যসূচীৰে পালন কৰা হৈছে। গুৰুজনাৰ জন্মজয়ন্তী উপলক্ষে বহৰি সত্ৰত নাম প্ৰসংগত লগতে ভাগৱত ভ্ৰমণ অনুষ্ঠিত হয়।
সত্ৰৰ মজুমদাৰ মহাদেৱ দাসে ভাগৱত বহন কৰা ভাগৱত শোভাযাত্ৰাৰ সমগ্ৰ বহৰি চহৰ পৰিভ্ৰমণ কৰে। জন্মজয়ন্তীৰ কাৰ্যসূচী অনুসৰি দুপৰীয়া গুৰুচৰিত পাঠ, আয়তী আৰু ভকতৰ প্ৰসংগ, ৰাজহুৱা নাম অনুষ্ঠিত হবে।
ইপিনে সন্ধিয়া ৬০০ বছৰীয়া জন্মজয়ন্তী উপলক্ষে সত্ৰত ৬০০ গছি বন্তি প্ৰজ্বলন, ৩০০ গৰাকী নামতিৰ দিহা নাম আৰু ধৰ্মালোচনা সভা অনুষ্ঠিত হব ।

লগতে পঢ়ক : Assam | Nalbari news: “ভক্তি তত্ত্ব” শীৰ্ষক গ্ৰন্থ উন্মোচন সত্ৰাধিকাৰ ড৹ পিতাম্বৰ দেৱ গোস্বামীৰ