নেশ্যনেল ডেস্ক , ১৫অক্টোবৰ : বিজেপি নেত্ৰীৰ বাহনত দুৰ্বৃত্তৰ আক্ৰমণ । বিজেপি নেত্ৰীৰ বাহনত শিলেৰে আক্ৰমণ দুৰ্বৃত্তৰ ।
উত্তৰ প্ৰদেশৰ শ্বাহজাহানপুৰত সংঘটিত হৈছে এই চাঞ্চল্যকৰ ঘটনাটো । উত্তৰ প্ৰদেশৰ এগৰাকী প্ৰভাৱশালী বিজেপি নেত্ৰীৰ বাহনত আক্ৰমণ দুৰ্বৃত্তৰ । বাহনৰ ভিতৰৰ পৰা উদ্ধাৰ কৰা হৈছে শিলৰ টুকুৰা । শনিবাৰে নিশা সংঘটিত হয় এই ঘটনাটো(Attack on BJP MLA Salona Kushwaha Car in Shahjahanpur) ।
উল্লেখ্য যে শনিবাৰে নিশা তিলহাৰৰ বিজেপি বিধায়িকা সলোনা কুশৱাহাৰ বাহনত দুৰ্বৃত্তই আক্ৰমণ কৰে । বিজেপিৰ বিধায়িকাগৰাকীয়ে তেওঁৰ বাহনত গুলীচালনাৰ কৰাৰ আশংকা প্ৰকাশ কৰিছে(Attack on BJP MLA Car in Shahjahanpur) ।
অৱশ্যে আৰক্ষীয়ে এই সন্দৰ্ভত তদন্ত কৰি বাহনখনৰ ভিতৰত এটা শিলৰ টুকুৰা উদ্ধাৰ কৰে ।এই আক্ৰমণত বিধায়িকাগৰাকীৰ এগৰাকী নিৰাপত্তাকৰ্মীও আঘাতপ্ৰাপ্ত হয় ।
জানিব পৰা মতে বাহনখনৰ পিছফালে নিৰাপত্তাকৰ্মীজন বহি আছিল আৰু সেই সময়তে দুৰ্বৃত্তই কৰা আক্ৰমণৰ ফলত নিৰাপত্তাকৰ্মীজনৰ মুখত আঘাত পায় । বৰ্তমান আৰক্ষীয়ে ঘটনা সন্দৰ্ভত তদন্ত অব্যাহত ৰাখিছে ।
তিলহাৰৰ পৰা বিজেপি বিধায়িকাগৰাকীয়ে এক ধৰ্মীয় অনুষ্ঠানত অংশ লৈ উভতি আহি আছিল । আহি থকাৰ সময়তে বিধায়িকাগৰাকীৰ নিগোহি আৰক্ষী থানাৰ অন্তৰ্গত গিৰ্গিচা গাঁৱৰ সমীপত বাহনখনৰ পিছফালৰ পৰা গ্লাচত দুৰ্বৃত্তই আক্ৰমণ কৰে । লগে লগে চালকজনে বাহনখন দ্ৰুতগতিৰে চলাই আৰু সেই স্থানৰ পৰা পলায়ন কৰে আৰু সুৰক্ষিত স্থানত উপস্থিত হৈ তেওঁলোকে ঘটনাৰ সন্দৰ্ভত আৰক্ষীক অৱগত কৰে ।এই ঘটনাৰ খবৰ পোৱাৰ পাছতে স্থানীয় আৰক্ষী থানাৰ বিষয়া আৰু আৰক্ষী অধীক্ষক ঘটনাস্থলীত উপস্থিত হয় ।
এই ঘটনাৰ সম্পৰ্কে বিজেপি বিধায়িকা সলোনা কুশৱাহাই কোৱা মতে তেওঁৰ বাহনত গুলীচালনা কৰা হৈছিল । অৱশ্যে আৰক্ষীয়ে ঘটনাটো সন্দৰ্ভত তদন্ত অব্যাহত ৰাখিছে । আৰক্ষীৰ তদন্তৰ অন্তত হে পোহৰলৈ আহিব ঘটনাৰ সন্দৰ্ভত তথ্য । ইফালে এই ঘটনাক লৈ অঞ্চলজুৰি তীব্ৰ উত্তেজনাৰ সৃষ্টি হৈছে ।
লগতে পঢ়ক :Drunk Police in Tezpur : সুৰাৰ ৰাগীত মাতাল খাকী পেণ্টা পৰিহিত আৰক্ষী জোৱান