ইণ্টাৰনেশ্যনেল ডেস্ক,৩০নৱেম্বৰ : নাইজেৰিয়াত ভয়ংকৰ নাও দুৰ্ঘটনা৷ নাও দুৰ্ঘটনাত মৃত্যু ২৭জন লোকৰ ৷
বিভাগীয় কৰ্তৃপক্ষই জনোৱা অনুসৰি,, দুৰ্ঘটনাত পতিত হোৱা নাওখন খাদ্য বজাৰলৈ গৈ আছিল।সেই সময়তে সংঘটিত হয় এই ভয়ংকৰ দুৰ্ঘটনাটো।এই ঘটনাৰ ফলত ১০০ৰো অধিক লোক সন্ধানহীন হয় । মৃত্যু হয় ২৭জনৰ । এই ঘটনাত আহত বা নিহতৰ ভিতৰত অধিকাংশই মহিলা আছিল বুলি বিভাগীয় কৰ্তৃপক্ষই উল্লেখ কৰে(Nigeria boat accident) ৷
নাইজাৰৰ ৰাজ্যিক জৰুৰীকালীন ব্যৱস্থাপনা সংস্থাৰ মুখপাত্ৰ ইব্ৰাহিম আউডুৱে দ্য এছ’চিয়েটেড প্ৰেছক জনোৱা অনুসৰি, নাওখনত প্ৰায় ২০০ জন যাত্ৰী আছিল । ই কোগি ৰাজ্যৰ পৰা চুবুৰীয়া নাইজাৰ ৰাজ্যলৈ গৈ আছিল । বাতৰি লিখা পৰলৈকে, এই নাওখন কিয় দুৰ্ঘটনাত পতিত হ’ল সেই সন্দৰ্ভত কোনো কাৰণ জানিব পৰা হোৱা নাই(At least 27 people dead and 100 missing after boat capsizes in Nigeria) ।
বিভাগীয় কৰ্তৃপক্ষই নাওখন দুৰ্ঘটনাত পতিত হোৱাৰ কোনো কাৰণ নিশ্চিত কৰা নাই যদিও স্থানীয় কিছু সংবাদ মাধ্যমে নাওখনত থকা অতিৰিক্ত বোজাৰ বাবেই উক্ত ঘটনাটো সংঘটিত হোৱা বুলি মত প্ৰকাশ কৰিছে ।
লগতে পঢ়ক :CBI raid : শিলচৰ আয়কৰ বিভাগৰ কাৰ্যালয়ত CBIৰ অতৰ্কিত অভিযান