Assam Youth Goes Missing In Hyderabad : বহি: ৰাজ্য হায়দৰাবাদৰ এখন চিকিৎসালয়ৰ পৰা সন্ধানহীন গোগামুখৰ এজন যুৱক
নিউজ ডেস্ক,১আগষ্ট : পুনৰ বহি: ৰাজ্যত সন্ধানহীন অসমৰ যুৱক । এইবাৰ বহি: ৰাজ্য হায়দৰাবাদৰ এখন চিকিৎসালয়ৰ পৰা সন্ধানহীন গোগামুখৰ এজন যুৱক।
জানিব পৰা মতে, বৰদলনি আৰক্ষী থানাৰ অধীনস্থ ন-নদীৰ লোকনাথ দাস আৰু মামনি দাসৰ পুত্ৰ বিজয় দাস ৩৩ নামৰ যুৱকজনে হায়দৰাবাদৰ এটা বেংকত সুৰক্ষা কৰ্মী হিচাপে নিয়োজিত হৈ আছিল। কিন্তু শাৰীৰিকভাৱে অসুস্থতাৰ বাবে ২৪ জুলাইত হায়দৰাবাদৰ OSMANIA GENERAL HOSPITALত ভৰ্তি হৈছিল যুৱকজন। ফোনযোগে সকলো খবৰ পৰিয়ালক জনাইছিল বিজয়ে(Assam Youth Goes Missing In Hyderabad)।
কিন্তু আচৰ্যজনকভাৱে ২৮ জুলাইত চিকিৎসালয়খনৰ বিচনাত মোবাইল ফোন, নথি পত্ৰ সকলো এৰি নিৰুদ্দেশ হয় যুৱকজন। যুৱকজনৰ নিৰুদ্দেশৰ ঘটনাৰ খবৰ পোৱাৰ লগে লগে বিভিন্নজনে বিচাৰ-খোচাৰ কৰে যদিও আজিলৈকে কোনো শুংসূত্ৰ উলিয়াব পৰা নাই যুৱকজনৰ।
ইফালে চিকিৎসালয়খনৰ চি চি টিভিৰ দৃশ্য দেখুওৱাবলৈ অমান্তি হোৱাৰ অভিযোগ চিকিৎসালয়ৰ কৰ্তৃপক্ষৰ বিৰুদ্ধে। সমগ্ৰ ঘটনাক লৈ পৰিয়ালটোক চিন্তিত কৰি তুলিছে।
নিৰুদ্দেশ হৈ থকা বিজয় দাসৰ সন্ধান যদি কোনোৱে লাভ কৰে তেন্তে 6901142210 নম্বৰত যোগাযোগ কৰিবলৈ পৰিয়ালৰ লোকে কাতৰে আহ্বান জনাইছে(Assam Youth Goes Missing In Hyderabad)।