নিউজ ডেস্ক, ৩১জানুৱাৰী : মণিপুৰৰ সমান্তৰালকৈ এই চুবুৰীয়া ৰাজ্য নাগালেণ্ডতো জব্দ বুজন পৰিমাণৰ বাৰ্মিজ চুপাৰী( Assam Rifles seize areca nuts worth Rs 14.32 crore) ।
নাগালেণ্ডত অসম ৰাইফলছৰ বাৰ্মিজ চুপাৰীৰ বিৰুদ্ধে অভিযান । অভিযানত জব্দ বুজন পৰিমাণৰ বাৰ্মিজ চুপাৰী ।
গোপন তথ্যৰ ভিত্তিত মঙলবাৰে কোহিমাৰ ২৯ নম্বৰ ৰাষ্ট্ৰীয় ঘাইপথত অসম ৰাইফলছে তালাচী চলাই । তালাচীত কেবাখনো চুপাৰী ভৰ্তি ট্ৰাক জব্দ কৰে অসম ৰাইফলছে।
জানিব পৰা মতে, জব্দকৃত ট্ৰাক কেইখনৰ পৰা মুঠ ১২০ টন চুপাৰী জব্দ কৰে। জব্দকৃত চুপাৰীখিনিৰ বজাৰ মূল্য প্ৰায় ১৪.৩২ কোটি টকা বুলি সদৰি কৰিছে অসম ৰাইফলছে। অবৈধভাবে চুপাৰী সৰবৰাহৰ অভিযোগত ট্ৰাকৰ চালক কেইজনক আটক কৰা হয়( Areca Nuts worth Rs 14.32 crores seized by Assam Rifles)।
ইফালে, মনিপুৰতো বুজন পৰিমাণৰ বাৰ্মিজ চুপাৰী জব্দ কৰিছে অসম ৰাইফলছে। কামজঙ জিলাৰ কাঙপাট এলেকাত অভিযান চলাই দুখন চুপাৰী ভৰ্তি ট্ৰাক জব্দ কৰাৰ লগতে ট্ৰাকৰ চালক দুজনকো আটক কৰে। ট্ৰাক দুখনৰ পৰা জব্দ কৰা ২৪০ বস্তা চুপাৰীৰ ওজন প্ৰায় ১৯.২ টন। জব্দ কৰা চুপাৰী খিনিৰ বজাৰ মূল্য প্ৰায় ২.৩০৪ কোটি টকা বুলি সদৰি কৰিছে অসম ৰাইফলছে(AR seizes Rs 14.32 cr areca nuts enroute Manipur to Nagaland)।
আন এক অভিযানত কাঙপাট এলেকাৰ পৰা দুখন চুপাৰী আৰু এখন কাঠ ভৰ্তি ট্ৰাকো জব্দ কৰে অসম ৰাইফলছে। ট্ৰাক কেইখনৰ পৰা জব্দ কৰা চুপাৰী আৰু কাঠৰ মূল্য প্ৰায়৩.১৬ কোটি টকা।