নিউজ ডেস্ক,২০ ডিচেম্বৰ : আমগুৰি মাৰণাস্ত্ৰসহ যুৱক আটক । ৪জনকৈ যুৱকক অস্ত্ৰ-শস্ত্ৰ আটক কৰে আৰক্ষীয়ে । আটকাধীন যুৱকৰ পৰা মাৰণাস্ত্ৰসহ ১২জাই সজীৱ গুলি জব্দ কৰে আৰক্ষীয়ে(Arms Seized in Amguri) ।
উল্লেখ্য যে,মঙলবাৰে নিশা আমগুৰি আৰক্ষীয়ে গোপন সূত্ৰৰ পম খেদি তিনিটাকৈ মাৰণাস্ত্ৰ আৰু ১২ জাঁই সজীৱ গুলীসহ আটক কৰিছে চাৰিজনকৈ যুৱকক। মঙলবাৰে নিশা আমগুৰি আৰক্ষীয়ে থানাৰ সন্মুখতে AS 05 R 2703 পালচাৰ বাইক আৰু AS 05 Q 9093 স্কুটিত অহা চাৰিজন যুৱকক আটক কৰিবলৈ সক্ষম হয়।
আটকাধীন যুৱক দুজনৰ পৰা দুটা ৯ এম এম পিষ্টল আৰু এটা হস্তনিৰ্মিত পিষ্টল, ৯ এম এম পিষ্টলৰ ২ জাঁই সজীৱ গুলী, ১০ জাঁই হস্তনিৰ্মিত পিষ্টলৰ গুলীৰ লগতে চাৰিটাকৈ মোবাইল ফোন জব্দ কৰিছে আমগুৰি আৰক্ষীয়ে। যুৱক কেইজন মৰিয়ণিৰ পৰা জাঁজী দিশে গৈ থকা অৱস্থাতে আৰক্ষীৰ জালত পৰে(4 ULFA-I Linkmen Apprehended in Amguri; Arms & Ammunition Seized) ।
আটকাধীন চাৰি যুৱক ক্ৰমে, জন বসুমতাৰী, যতীন বড়ো, গোপী হাজোৱাৰী আৰু শিৱ হেমব্ৰম বুলি জানিব পৰা গৈছে। চাৰি যুৱকৰ ঘৰ গোলাঘাট জিলাৰ সৰুপথাৰৰ উৰিয়ামঘাটত।
আমগুৰি আৰক্ষীয়ে জানিবলৈ দিয়া অনুসৰি মেৰাপানীৰ চিচুপানীৰ পৰা অনা মাৰণাস্ত্ৰ কেইটা কোনো অজ্ঞাত লোকক যোগান ধৰিবলৈ যুৱককেইজন আহিছিল । ইতিমধ্য, শিৱসাগৰ উচ্চপদস্থ আৰক্ষী বিষয়া আমগুৰি থানাত উপস্থিত হৈ তদন্ত অব্যাহত কৰে( Amaguri police Arrested 4 with Arms)।