Another accused in Hiranmoy Khaklaris murder arrested : গোৱালপাৰা জিলাৰ দুধনৈৰ চাঞ্চল্যকৰ হত্যাকাণ্ডৰ লগত জড়িত আন এজন অভিযুক্তক গ্ৰেপ্তাৰ
নিউজ ডেস্ক,২৯জুন : গোৱালপাৰা জিলাৰ দুধনৈৰ চাঞ্চল্যকৰ হত্যাকাণ্ডৰ লগত জড়িত আন এজন অভিযুক্তক গ্ৰেপ্তাৰ । শুকুৰবাৰে নিশা দুধনৈ আৰু মাটিয়া আৰক্ষীৰ যৌথ অভিযানত গ্ৰেপ্তাৰ কৰে লোকজনক
২৬ জুনত সংঘটিত হোৱা চাঞ্চল্যকৰ হত্যাকাণ্ডৰ প্ৰায় দুমাহৰ পাৰ হৈ যোৱাৰ পিছত মন্ত্ৰী উৰ্খাও গৌৰা ব্ৰহ্মই প্ৰয়াত হিৰন্ময় খাখলাৰীৰ বাসগৃহত উপস্থিত হৈ হিৰন্ময়ৰ দুৰ্ভগীয়া মাতৃ বাসন্তী খাখলাৰীক সাক্ষাৎ কৰি সমবেদনা প্ৰকাশ কৰাৰ লগতে আৰক্ষীক তদন্ত প্ৰক্ৰিয়া খৰতকীয়া কৰাৰ নিৰ্দেশ দিয়ে ৷ মন্ত্ৰীগৰাকীৰ নিৰ্দেশৰ পিচতে তৎপৰ হৈ উঠে দুধনৈ আৰক্ষী(Another accused in Hiranmoy Khaklaris murder arrested) ৷
মন্ত্ৰীৰ নিৰ্দেশৰ পিচতেই আৰক্ষীয়ে এক গোপন সূত্ৰৰ পম খেদি শুকুৰবাৰে নিশাৰ ভাগত হিৰণ্ময় খাখলাৰীৰ হত্যাকাণ্ডৰ লগত জড়িতৰ অভিযোগত পলাতক অবস্থাত থকা আন এক অভিযুক্ত ৰমজান আলীক দুধনৈ আৰু মাটিয়া আৰক্ষী থানাৰ যৌথ অভিযানত দুধনৈৰ নিকটৱৰ্তী দুধনৈ থানাৰ অন্তৰ্গত কাৰিপাৰাৰ এখন প্ৰাথমিক বিদ্যালয়ত নিশা শুই থকা অৱস্থাত গ্ৰেপ্তাৰ কৰি দুধনৈ থানালৈ আনে । ইতিমধ্যে দুধনৈ আৰক্ষী থানাত পঞ্জীয়ন হৈ থকা গোচৰ নং ৩৯/২৪, ইউ,এছ ১২০/(বি)/৩০২ আইপিচি ধাৰা অনুসৰি ৰমজান আলীক গোৱালপাৰা আদালতলৈ প্ৰেৰণ কৰা হয়(Another accused in Hiranmoy Khaklaris murder arrested in Goalpara) ৷
উল্লেখ্য যে, ৰমজান আলীয়ে দুধনৈ দলবদ্ধ ধৰ্ষণকাণ্ড আৰু হিৰণ্ময় খাখলাৰীৰ হত্যাকাণ্ডৰ মুল অভিযুক্ত ধন তালুকদাৰৰ মোমায়েক আৰু আন এগৰাকী অভিযুক্ত বাহাৰ আলীৰ পিতৃ বুলি জানিব পৰা গৈছে ৷ আৰক্ষী সূত্ৰে জানিব পৰা মতে দুধনৈৰ ধৰ্ষণ আৰু হিৰণ্ময় খাখলাৰীৰ হত্যাকাণ্ডৰে জড়িত আন এক অভিযুক্ত বৰ্তমানেও পলাতক অবস্থাত আছে ৷
লগতে পঢ়ক : Road Accident in Barpeta : বাঘবৰ-মন্দিয়া সংযোগী পথত দুৰ্ঘটনা; আহত দুই বাইক আৰোহী