SP Anand Mishra: আনন্দ মিশ্ৰই গতিয়াই লৈ গ’ল হিন্দুত্ববাদী নেতা বলেন বৈশ্যক
লখিমপুৰ, ১৯জুলাই : লখিমপুৰত আটক হিন্দু যুৱ ছাত্ৰ পৰিষদৰ কেন্দ্ৰীয় সভাপতি বলেন বৈশ্য।লখিমপুৰত আৰক্ষী অধীক্ষক আনন্দ মিশ্ৰৰ সৈতে লিপ্ত হৈছিল তীব্ৰ বাক-বিতণ্ডা আৰু তাৰপাছতে আটক কৰা হয় হিন্দু যুৱ ছাত্ৰ পৰিষদৰ কেন্দ্ৰীয় সভাপতি বলেন বৈশ্যক। লগতে আটক জাকিৰ হুছেইন নামৰ এজন লোককো(Anand Mishra)।
উল্লেখ্য যে, লখিমপুৰ নগৰৰ গোপিনগৰ কলনীত চলি আছিল হিন্দু যুৱ ছাত্ৰ পৰিষদৰ বৌদ্ধিক শিবিৰ। এই শিবিৰ ১৭জুলাইৰ পৰা আৰম্ভ হোৱা এই শিবিৰ ২২ জুলাইত সমাপ্ত হোৱাৰ কথা আছিল । কিন্তু আজি বৌদ্ধিক প্ৰশিক্ষণ শিবিৰত সৃষ্টি হয় এক সংঘাতময় পৰিস্থিতিৰ । হিন্দু যুৱ ছাত্র পৰিষদৰ কেন্দ্রীয় সমিতিৰ উদ্যোগত আৰু বিশ্ব হিন্দু মহাসংঘৰ সহযোগত অনুষ্ঠিত হোৱা কেন্দ্রীয় বৌদ্ধিক প্ৰশিক্ষণ শিবিৰত এক অঘটন ঘটে(Anand Mishra arrested Hindutva leader Bolen Baishya)।
জানিব পৰা মতে, বুধবাৰে পুৱা প্ৰশিক্ষণ শিবিৰ আৰম্ভ হোৱাৰ কিছু সময়ৰ পাছতে এজন যুৱক শিবিৰত প্ৰৱেশ কৰে।কিন্তু শিবিৰ আৰম্ভ হোৱাৰ লগে লগে মূল গেট বন্ধ কৰি দিয়া হয় যদিও যুৱকজনে কৌশলেৰে শিবিৰত প্ৰৱেশ কৰি অপ্ৰীতিকৰ পৰিস্থিতি সৃষ্টি কৰে আৰু উদ্যোক্তা সকলৰ সৈতে তৰ্কত লিপ্ত হয়।
পৰৱৰ্তী সময়ত পৰিস্থিতি অধিক জটিল হৈ পৰে আৰু যুৱকজনৰ সৈতে আন দুজন যুৱকো জড়িত হৈ থাকে । ইয়াৰ মাজতে জাকিৰ হুছেইন নামৰ লোকজনৰ পৰিয়ালে বৌদ্ধিক শিবিৰত আক্ৰমণ কৰাৰ অভিযোগ উত্থাপন কৰে । ইয়াৰ পাছতে পৰিস্থিতি উত্তপ্ত কৰি তোলে হিন্দু যুৱ ছাত্ৰ পৰিষদে।
পৰিস্থিতি ক্ৰমাৎ উত্তপ্ত হৈ যোৱাত উদ্যোক্তা সকলে আৰক্ষীক ঘটনাৰ বিষয়ে খবৰ দিয়ে। আৰক্ষীক ঘটনাৰ খবৰ দিয়া এঘন্টাৰ পাছতে শিবিৰটোত উপস্থিত হয়। আৰক্ষী ঘটনাস্থলীত উপস্থিত হৈ অপ্ৰীতিকৰ পৰিস্থিতি সৃষ্টি কৰা যুৱকজনক থানালৈ লৈ যায় লগতে হিন্দু যুৱ ছাত্র পৰিষদৰ কেন্দ্রীয় সভাপতি বলেন বৈশ্য, জিলা সভাপতি যুগ্ম জ্যোতি দত্ত আৰু হিন্দু মহাসংঘৰ ৰাজ্যিক সভাপতি জনাৰ্দন দেৱ গোস্বামীকো থানালৈ নিব বিচাৰে(Anand Mishra arrested Hindutva leader Bolen Baishya)।
ইয়াকে লয় পৰিষদৰ কেন্দ্রীয় সভাপতি বলেন বৈশ্য আৰু আৰক্ষী অধীক্ষকৰ মাজত তৰ্ক-বিতৰ্ক হয়। অৱশেষত আৰক্ষীয়ে বলপূৰ্বকভীৱে বলেন বৈশ্যসহ যুগ্ম জ্যোতি দত্ত আৰু জনাৰ্দন দেৱ গোস্বামীক থানালৈ লৈ যায়। ফলত শিবিৰটোৰ প্ৰশিক্ষণ কাৰ্য্যসূচী ব্যাহত হৈ পৰে । এই সন্দৰ্ভত আৰক্ষীয়ে কেনে ভূমিকা গ্রহণ কৰে সেইয়া লক্ষ্যণীয় হ’ব।
লগতে পঢ়ক : Rape and murder in Silchar : শিলচৰত এগৰাকী যুৱতীক ধৰ্ষণ কৰি হত্যাৰ প্ৰতিবাদত উত্তপ্ত পৰিস্থিতি