নেশ্যনেল ডেস্ক,২৭ এপ্ৰিল : মছজিদৰ মৌলানাক লাঠীৰে মৰিয়াই মৰিয়াই হত্যা দুৰ্বৃত্তৰ(Ajmer Maulana Murder) ৰাজস্থানৰ আজমেৰ চহৰৰ নিকটৱৰ্তী কাঞ্চন নগৰত সংঘটিত হৈছে এক ভয়ংকৰ হত্যাকাণ্ডৰ ঘটনাৰ ।
জানিব পৰা মতে, ৰাজস্থানৰ মোহম্মদী মছজিদৰ মৌলানাক শনিবাৰে পুৱতি নিশা প্ৰায় ৩ মান বজাত তিনি দুৰ্বৃত্তই লাঠীৰে মৰিয়াই মৰিয়াই হত্যা কৰে । আৰক্ষীয়ে মৌলানাজনৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে আজমেৰৰ জে এল এন হাস্পতালৈ প্ৰেৰণ কৰে আৰু ঘটনা সন্দৰ্ভত গোচৰ ৰুজু কৰে ।
ৰামগঞ্জ থানাৰ ভাৰপ্ৰাপ্ত বিষয়া ৰবীন্দ্ৰ সিং খেৰীয়ে জনোৱা মতে,শনিবাৰে পুৱতি নিশা প্ৰায় ৩ বজাত মৌলানা মহম্মদ মাহীৰৰ মৃতদেহ কাঞ্চন নগৰত অৱস্থিত মহম্মদী মছজিদৰ সমীপৰ এটা কোঠাত ৰক্তাক্ত অৱস্থাত পৰি থকা বুলি আৰক্ষীলৈ খবৰ আহে । ঘটনাৰ তথ্যৰ ভিত্তিত ঘটনাস্থলীত উপস্থিত হয় আৰক্ষী(Ajmer Maulana Murder 3 masked man entered the mohammadi masjid and killed the maulana) ।
আৰক্ষীয়ে ঘটনা সন্দৰ্ভত জনোৱা অনুসৰি, মৃত মৌলানাজন উত্তৰ প্ৰদেশৰ ৰামপুৰ অঞ্চলৰ বাসিন্দা । ৰাতি তেওঁলোকৰ লগত আৰু ছটা শিশু কোঠাটোত শুই আছিল । ঘটনা সন্দৰ্ভত ল’ৰা-ছোৱালীকেইটাক সোধা-পোছা কৰাৰ সময়ত তেওঁলোকে কয় যে তিনিজন মুখা পিন্ধা দুষ্কৃতিকাৰীয়ে লাঠি লৈ কোঠাটোলৈ আহি মৌলানা মহম্মদ মাহীৰক প্ৰহাৰ কৰিবলৈ আৰম্ভ কৰে । দুষ্কৃতিকাৰীয়ে মৌলানাক ইমানেই প্ৰহাৰ কৰে যে তেওঁৰ থিতাতে মৃত্যু হয় । লগতে দুস্কৃতিকাৰীয়ে শিশুসকলক চিঞৰিলে তেওঁলোককো মাৰপিট কৰা হ’ব বুলি ভাবুকি দিয়ে(Ajmer Maulana Murder 3 masked man entered the mohammadi masjid and killed the maulana) ।
দুষ্কৃতিকাৰীসকল যোৱাৰ পিছত শিশুসকলে চিঞৰ-বাখৰ কৰি কোঠাটোৰ পৰা ওলাই আহি চুবুৰীটোত বাস কৰা লোকসকলক এই বিষয়ে অৱগত কৰে ।
মছজিদত মৌলানাৰ হত্যাকাণ্ডৰ বাবে অঞ্চলটোত আতংকৰ সৃষ্টি হোৱাৰ লগতে ৰাইজৰ মাজত ক্ষোভৰ সৃষ্টি হৈছে । আৰক্ষীয়ে ঘটনা সন্দৰ্ভত তদন্ত আৰম্ভ কৰিছে যদিও বৰ্তমানলৈ জানিব পৰা হোৱা নাই এই হত্যাকাণ্ডৰ কাৰণ ।