ডিজিটেল ডেস্ক:-দৰং জিলাৰ ছিপাঝাৰ আৰক্ষী থানাৰ অন্তৰ্গত গণেশকুঁৱৰী অঘটন। কুঁৱাত পৰি মৃত্যুক সাৱতিলে এগৰাকী মহিলাই।মৃত্যু হোৱা মহিলাগৰাকী গণেশকুঁৱৰীৰ নবীন বড়োৰ পত্নী বাসন্তী বড়ো বুলি জানিব পৰা গৈছে।
৫৫ বছৰীয়া মহিলাগৰাকী বুধবাৰে সন্ধিয়া নিজ গৃহৰ কাষতে বিয়া দিয়া জীয়ৰীৰ খবৰ ল’বলৈ গৈছিল। জীয়ৰীৰ ঘৰৰ পৰা নিজ গৃহলৈ অহাৰ সময়তে কাষতে থকা কুঁৱাত কিবা কাৰণত পৰি যায় বাসন্তী বড়ো নামৰ মহিলাগৰাকী ।
জীয়ৰীগৰাকীৰ চিঞৰ-বাখৰ শুনি চুবুৰীয়া লোক ঘটনাস্থলীত উপস্থিত হয় যদিও গভীৰ কুঁৱাটোৰ পৰা উদ্ধাৰ কৰিব নোৱাৰিলে মহিলাগৰাকীক।
ঘটনাস্থলীত নিশা ছিপাঝাৰ আৰক্ষী উপস্থিত হৈ SDRF ৰ সহায়ত উদ্ধাৰ কৰে মৃতদেহ ।
