ৰঙিয়া: সাৱধান ৰঙিয়াবাসী! ৰঙিয়াত সোমাইছে বহি:ৰাজ্যৰ দুজনকৈ আ-অলংকাৰ চুৰি চক্ৰ। আপোনাৰ দোকান বা ঘৰৰ টাইলচ তথা ঘৰৰ অন্যান্য সা – সামগ্ৰী চাফ কৰি দিয়াৰ চলনাৰে এই চক্ৰটোৱে চকুৰ পলকতে লুটি লৈ যাব পাৰে আপোনাৰ মূল্যবান আ-অলংকাৰ।
তেনেই এক ঘটনা সংঘটিত হৈছে ৰঙিয়াত । এইজন চক্ৰধৰ কলিতা।ৰাতিপুৱাই তেওঁৰ দোকানত দুজন হিন্দীভাষী যুৱকে আহি দোকানৰ টাইলচ্ চাফ কৰাৰ উদ্দেশ্যে প্ৰথমতে চক্ৰধৰ কলিতাৰ ৰূপৰ আঙঠিটো চাফ কৰি দিয়ে। পৰৱৰ্তী সময়ত কলিতাৰ হাতৰ আঙুলিত থকা তিনিটা সোণৰ আঙঠি চাফ কৰি দিম বুলি চকুৰ সন্মুখতেই আঙঠিকেইটা লৈ যুৱক দুজনে পলায়ণ কৰে ।
সেই স্থানৰ পৰা আৰু চুৰিৰ সমগ্ৰ দৃশ্য বন্দী হৈ ৰল চিচি টিভি কেমেৰাত। বৰ্তমান ভূক্তভূগী চক্ৰধৰ কলিতাই ৰঙিয়া থানাত উপস্থিত হৈ যুৱক দুজনৰ বিৰুদ্ধে দাখিল কৰিছে এজাহাৰ। গতিকে সাৱধান ৰঙিয়াবাসী প্ৰতিটো মুহুৰ্ততে নজৰ ৰাখক ৰঙিয়া চহৰত টিঘিলঘিলাই ঘূৰি ফুৰা এই দুজন হিন্দীভাষী গভাইত চোৰৰ ওপৰত।সজাগ হওক সতৰ্ক থাকক।