Local, Vocal, Global

Watch | Jamugurihat news: ৰঙাপৰাত পাঁচখন দোকান-সাংবাদিকৰ বাসগৃহত চুৰিকাণ্ড সংঘটিত কৰা চোৰক আটক

জামুগুৰিহাট: ৰঙাপৰাত সাংবাদিকৰ বাসগৃহ আৰু আৰক্ষী থানাৰ সমীপত পাঁচখনকৈ দোকানত চুৰিকাণ্ড সংঘটিত কৰা দুটাকৈ চোৰক আটক কৰিবলৈ সক্ষম হয় ৰঙাপৰা আৰক্ষী।

ৰঙাপৰা আৰক্ষীয়ে যোৱা ১৬ জুলাইৰ নিশা অভিযান চলায় কছাৰীগাঁও চাহ বাগিচাৰ নিউ লাইনৰ জীৱেন প্ৰজাক আটক কৰিছিল। ইয়াৰ পিছতে জীৱেন প্ৰজাৰ স্বীকাৰোক্তিৰ ভিত্তিত আৰু গোপন কেমেৰাত বন্দী হোৱা ফুটেজ অনুসৰি ইমানুল আলিক আটক কৰিবলৈ সক্ষম হয় আৰক্ষী।

শুক্ৰবাৰে বিয়লিৰ ভাগত ৰঙাপৰা আৰক্ষীয়ে বৰপেটা আৰক্ষীৰ সহযোগত ইমানুল আলিক মন্দিয়াত আত্মগোপন কৰি থকা অৱস্থাত আটক কৰি থানালৈ লৈ আহে। ৰঙাপৰাত সঘনাই সংঘটিত হৈ থকা চুৰিকাণ্ডৰ ঘটনা সন্দৰ্ভত ৰঙাপৰা আৰক্ষীয়ে তদন্ত অব্যাহত ৰাখিছে।

উল্লেখ্য যে যোৱা ১৪ জুলাইত ৰঙাপৰাৰ ১ নং নামনিগাঁৱৰ নিৱাসী তথা গণ অধিকাৰ কাকতৰ স্থানীয় সাংবাদিক ছাহজাহান চেলিম কুৰেছিৰ বাসগৃহত চোৰ দুটাই প্ৰৱেশ কৰি সোঁণৰ আ-অলংকাৰৰ লগতে প্ৰায় ৩০ হাজাৰ নগদ ধন চুৰি কৰি নিছিল। সম্প্ৰতি ৰঙাপৰা আৰক্ষীয়ে দুই চোৰক গ্ৰেপ্তাৰ কৰি তেজপুৰ জেল হাজোতলৈ প্ৰেৰণ কৰিছে৷

লগতে পঢ়ক: Watch | Be careful when eating food at hotels or restaurants: হোটেল বা ৰেষ্টুৱেণ্টত খাদ্য খাওতে সাৱধান!