নিউজ ডেস্ক,১৫জানুৱাৰী : ভোগালী বিহুৰ আনন্দ-উল্লাসৰ মাজতে তিতাবৰত বিধ্বংসী অগ্নিকাণ্ডৰ ঘটনা।বিধ্বংসী অগ্নিকাণ্ডত জীৱন্তে অগ্নিদগ্ধ এজন লোক।জুইত ভস্মীভূত বাসগৃহ । জীৱন্তে অগ্নিদগ্ধ হোৱা লোকজন ৩৫ বছৰীয়া শংকু দাস বুলি জানিব পৰা গৈছে।মঙলবাৰে নিশা ১০ বজাত তিতাবৰৰ মিলন নগৰত সংঘটিত হয় এই ভয়ংকৰ অগ্নিকাণ্ডৰ ঘটনা(Massive fire breaks out in Titabar)।
এই ভয়ংকৰ ঘটনাটো সংঘটিত হোৱাৰ পিছতে তিতাবৰৰ অগ্নিনিবাপক বাহিনী আৰু স্থানীয় ৰাইজৰ তৎপৰতাত জুই নিৰ্বাপন কৰিবলৈ সক্ষম হয় । ইফালে অগ্নিদগ্ধ হৈ মৃত হোৱা ব্যক্তিগৰাকীৰ মৃতদেহ তিতাবৰ আৰক্ষীয়ে উদ্ধাৰ কৰে।
জানিব পৰা মতে, পত্নী তথা এটি সন্তানৰ সৈতে তিতাবৰ মিলন নগৰৰ বাসগৃহটোতে ভাড়াতীয়া হিচাপে থাকি তিতাবৰৰ পদপথত ফাষ্ট ফুডৰ দোকান দি পৰিয়াল পোহপাল দি আছিল শংকু দাসে।
বৰ্তমানলৈ জানিব পৰা হোৱা নাই অগ্নিকাণ্ডৰ কাৰণ । তিতাবৰ আৰক্ষীয়ে তদন্তৰ অন্তত হে পোহৰলৈ আহিব অগ্নিকাণ্ডৰ কাৰণ।
লগতে পঢ়ক :Theft in Jamugurihat:জামুগুৰিহাটৰ বাঁহবাৰী সত্ৰ গাঁৱত চুৰিকাণ্ড