নিউজ ডেস্ক,১৫জানুৱাৰী : কাৰাগাৰ পৰা পলায়ন কৰা কয়দীক পুনৰ গ্ৰেপ্তাৰ ।
মঙলবাৰে দিনৰ প্ৰায় ১.৩০ বজাত ধুবুৰী জিলা কাৰাগাৰৰ পলায়ন কৰিছিল এজন কয়দীয়ে । তাৰ পিছত ধুবুৰী কাৰাগাৰৰ গাৰ্ডিং ষ্টাফৰ এটি দলে কায়দী জনক পুনৰ গ্ৰেপ্তাৰ কৰাৰ খবৰ পোৱা গৈছে।
খবৰ অনুসৰি ধুবুৰী জিলাৰ বিলাসীপাৰাৰ ৮ নং ৱাৰ্ডৰ নজমূল শেখ(২০) নামৰ এজন যুৱকক ড্ৰাগছৰ গোচৰত আৰক্ষীয়ে গ্ৰেপ্তাৰ কৰিছিল। পিচত প্ৰায় ২ মাহ ধৰি নজমূল শেখে ধুবুৰী কাৰাগাৰত কাৰাবন্দী হিচাপে আছিল।
মঙলবাৰে নজমূলে ধুবুৰী কাৰাগাৰৰ পৰা পলায়ন কৰাৰ খবৰ কাৰাগাৰৰ চৌদিশে বিয়পি পৰাত তৎক্ষণাত ধুবুৰী কাৰাগাৰৰ কৰ্তব্যৰত আৰক্ষীৰ এটা দলে পলাতক কয়দী জনৰ সন্ধানত অনুসৰণ অব্যাহত ৰাখে(Escaped prisoner from Dhubri jail re-arrested)।
বিয়লি প্ৰায় ২.৩০ বজাত গৌৰীপুৰৰ বাছষ্টেণ্ডৰ পৰা পলাতক নজমূল সেখক পুনৰ গ্ৰেপ্তাৰ কৰে আৰক্ষীয়ে। লগে লগে কয়দীজনক ধুবুৰী কাৰাগাৰলৈ লৈ অনা হয়। ঘটনা সন্দৰ্ভত ধুবুৰী কাৰাগাৰ কৰ্তৃপক্ষই অনুসন্ধান অব্যাহত ৰাখিছে।
লগতে পঢ়ক:Procession in Hajo : আজি পহিলা মাঘ; তীৰ্থ নগৰী হাজোত সমন্বয়ৰ সমাহাৰেৰে মণিকূট উৎসৱ