নিউজ ডেস্ক,২৪ডিচেম্বৰ : গুৱাহাটীৰ লখৰাৰ উৰণ সেতুত দুৰন্ত গতিত বাইক চলাই উৰন্ত চুমা কাণ্ডই ছ’চিয়েল মিডিয়াত কঁপাই তোলাৰ পিছত জালত পৰিল মাজ নিশাৰ ৰোমিঅ’-জুলিয়েট।
মুখ্যমন্ত্ৰীৰ নিৰ্দেশৰ পিছত তৎপৰ গুৱাহাটী আৰক্ষীয়ে আটক কৰিলে চলন্ত বাইকত বৌৱেকৰ চুমা লৈ থকা ৰোমিঅ’ দেওৰেকক। আৰক্ষীয়ে আটক কৰিছে তীব্ৰগতিত বাইক চলাই যোৱা চালক বিজয় মুণ্ডাক। ছ’চিয়েল মিডিয়াত ভাইৰলে হোৱা এই ভিডিঅ’টোত বিজয় মুণ্ডাৰ বাইকত পিছফালে ঠিয় হৈ গৈছিল বিজয়ৰ বৌৱেক। চলন্ত বাইকত ঠিয়-ঠিয়ে বিজয় চুমা দিছিল বৌৱেকে(Youn man arrested for riding bike dangerously)।
বনজুইৰ দৰে ছ’চিয়েল মিডিয়াত ভাইৰেল হৈছিল এই দৃশ্য। ইয়াৰ পিছতে মঙলবাৰৰ ডিব্ৰুগড় পথ সুৰক্ষা পৰ্যালোচনা বৈঠক মিলিত হৈ উদণ্ড বাইকাৰ্ছৰ বিৰুদ্ধে মুখ্যমন্ত্ৰীয়ে দিয়ে কঠোৰ নিৰ্দেশনা। লগ-লগে আৰক্ষীয়ে ভাইৰেল ভিডিঅ’ৰ আঁত বিচাৰি বিজয় মুণ্ডাক আটক কৰে।
উল্লেখ্য যে বিজয় মুণ্ডা চলাই যোৱা বাইকখনৰ গৰাকী হৈছে ৰাকেশ মণ্ডল নামৰ এজন যুৱক। আৰক্ষীয়ে প্ৰথমে ৰাকেশক আটক কৰিছিল। পিছত বিজয় মুণ্ডাক আটক কৰে।বিজয় মুণ্ডাক আটক কৰাৰ পিছতে মহিলাগৰাকীৰ সন্ধানত অভিযান চলায়। আৰক্ষীৰ অনুসন্ধানত পোহৰলৈ আহে চলন্ত বাইক চুমা দি থকা মহিলাগৰাকী বিজয় মুণ্ডাৰ বৌৱেক।