Funeral of Gaurav and Kaushik from Tangla will be held today:শেষকৃত্য সম্পন্ন হ’ল টংলাত হত্যাৰ বলি হোৱা দুই কিশোৰৰ
নিউজ ডেস্ক,২৩ডিচেম্বৰ : আজি শেষকৃত্য সম্পন্ন হ’ল টংলাত হত্যাৰ বলি হোৱা দুই কিশোৰৰ।মৃতদেহ ঘৰলৈ অনাৰ পিছত সৃষ্টি হয় শোকাকুল পৰিৱেশৰ। স্থানীয় ৰাইজৰ সিদ্ধান্ত অনুসৰি সম্পন্ন কৰা হয় শেষকৃত্য(Funeral of Gaurav and Kaushik from Tangla will be held today)।
মৰণোত্তৰ পৰীক্ষাৰ অন্ত দেওবাৰে নিশা ঘৰলৈ অনা হয় গৌৰৱ শর্মা আৰু কৌশিক শৰ্মাৰ নিথৰ দেহ। দুয়ো ভাতৃৰ মৃতদেহ ঘৰলৈ অনাৰ পিছৰে বিৰাজ কৰে এক শোকাকুল পৰিৱেশ।
উল্লেখ্য যে, শুকুৰবাৰে টংলাৰ যোৰপুখুৰী মহেন্দ শৰ্মা আৰু গীতা শৰ্মাৰ দুই পুত্ৰ গৌৰৱ শৰ্মা আৰু কৌশিক শৰ্মা স্কুললৈ যোৱাৰ পথত নিখোজ হৈছিল। শনিবাৰে ঘৰৰ পৰা মাত্ৰ ৩ কিলোমিটাৰ নিলগত উদ্ধাৰ হৈছে দুয়োজন কিশোৰৰে মৃতদেহ। ডিঙি কটা অৱস্থাত উদ্ধাৰ হৈছে দুয়োৰে মৃতদেহ।
ছাত্ৰৰ ৰক্তাক্ত মৃতদেহ প্ৰত্যক্ষ কৰিছিল প্ৰাতঃভ্ৰমণলৈ যোৱা লোকে। দুই কণমানিৰ ৰক্তাক্ত মৃতদেহ উদ্ধাৰৰ পিছতে হুৱাদুৱা লাগিছিল অঞ্চলটোত। ঘটনা সন্দৰ্ভত আৰক্ষীক অৱগত কৰাৰ পিছতে ঘটনাস্থলীত আৰক্ষীৰ দল উপস্থিত হৈ মৃতদেহ উদ্ধাৰ কৰিছিল।
লগতে পঢ়ক:Fire catches a vehicle at Chirang:চিৰাঙত চলন্ত বাহনত অগ্নিকাণ্ড