নিউজ ডেস্ক,১৯ডিচেম্বৰ : পুনৰ জম্মু-কাশ্মীৰত সেনা-সন্ত্ৰাসবাদীৰ ভয়ংকৰ সংঘৰ্ষ। কুলগাম জিলাৰ কাদ্দেৰ গাঁৱত সেনা আৰু সন্ত্ৰাসবাদীৰ সংঘৰ্ষত সেনাৰ গুলীত নিহত ৫টা সন্ত্ৰাসবাদী। সংঘৰ্ষত আহত হৈছে দুই নিৰাপত্তাৰক্ষীও(Kulgam encounter)।
সেনাৰ ফালৰ পৰা জনোৱা অনুসৰি বৰ্তমানেও অঞ্চলটোত নিৰাপত্তাৰক্ষীৰ অভিযান চলি আছে।
উল্লেখ্য যে, গোপন সূত্ৰৰ খবৰৰ ভিত্তিত নিৰাপত্তাৰক্ষীয়ে কুলগাম জিলাৰ কাদ্দেৰ অঞ্চলত সন্ত্ৰাসবাদীৰ এটা ঘাটিত অভিযান চলাইছিল। এই যৌথ অভিযান চলাইছিল জম্মু আৰু কাশ্মীৰ আৰক্ষীৰ সৈতে সেনা বাহিনী(5 terrorists killed in encounter with security forces in J&K’s Kulgam)।
সেনাৰ ফালৰ পৰা জনোৱা হৈছে, যৌথ বাহিনীয়ে কাদ্দেৰ অঞ্চলত অভিযান আৰম্ভ কৰাৰ পিছতো সন্ত্ৰাসবাদীৰ দলটোৱে গুলীচালনা কৰে। প্ৰত্যুত্তৰ গুলীচালনা কৰে সেনা আৰু আৰক্ষীয়েও। শেষত দুয়োপক্ষৰ সংঘৰ্ষত হাৰ মানে সন্ত্ৰাসবাদীৰ দলটোৱে। নিহত হয় পাঁচটা সন্ত্ৰাসবাদী।