নিউজ ডেস্ক,৯ডিচেম্বৰ : যোৰহাট জিলাত বিধ্বংসী অগ্নিকাণ্ড।অগ্নিকাণ্ডত ভস্মীভূত কেইবাটাও বাসগৃহ।
দেওবাৰে নিশা মৰিয়নীৰ গান্ধী নগৰত সংঘটিত হয় এই ভয়ংকৰ অগ্নিকাণ্ডৰ ঘটনাটো। মৰিয়নী পৌৰসভাৰ এগৰাকী ৱাৰ্ড মেম্বাৰৰ বাসগৃহত সংঘটিত হয় এই অগ্নিকাণ্ডৰ ঘটনাটো।
জানিব পৰা মতে,এই অগ্নিকাণ্ড ইমানে ভয়ংকৰ আছিল যে নিমিষয়ে জুই অঞ্চলটোত বিয়পি পৰে। ফলত কেইবাটাও বাসগৃহ ভস্মীভূত হয়।আনহাতে জুইত লক্ষাধিক টকাৰ সা-সম্পত্তি নষ্ট হোৱাৰ লগতে প্ৰয়োজনীয় নথি-পত্ৰও জাহ যায়(Massive fire breaks out in Jorhat)।
Related Posts
স্থানীয় লোকৰ খবৰৰ ভিত্তিত কিছু পলমকৈ অগ্নি নিৰ্বাপক বাহিনী উপস্থিত হয় আৰু অগ্নি নিৰ্বাপণ কৰে। অৱশ্যে ইতিমধ্যে বাসগৃহকেইটা প্ৰায় জ্বলি যায়।
আনহাতে বৰ্তমানেও জানিব পৰা হোৱা নাই জুইৰ সূত্ৰপাতৰ কাৰণ। অৱশ্যে একাংশ লোকে শ্বট চাৰ্কিটৰ ফলত এয়া হোৱা বুলি সন্দেহ কৰিছে।