নিউজ ডেস্ক,১ডিচেম্বৰ : ২০২৫ চনৰ জানুৱাৰীৰ প্ৰথম সপ্তাহৰ ভিতৰতে নতুনকৈ গঠন হ’ব বিজেপিৰ ৰাজ্যিক সমিতি । নিৰ্বাচন কৰা হ’ব নতুন সভাপতি ।
কোন হ’ব অসম বিজেপিৰ নতুন সভাপতি?বিজেপিৰ নতুন সভাপতি নিৰ্বাচনক লৈ এতিয়া বিজেপিৰ ভিতৰভাগত আৰম্ভ হৈছে চৰ্চা।
চলিত বৰ্ষৰ ৫ডিচেম্বৰৰ পৰা ২৪ডিচেম্বৰৰ ভিতৰত ৰাজ্যৰ মণ্ডল জিলা সমিতিসমূহ নতুনকৈ গঠন কৰাৰ কথাও ঘোষণা কৰে মুখ্যমন্ত্ৰী ড০ হিমন্ত বিশ্ব শৰ্মাই।
যোৱা শনিবাৰে বশিষ্ঠস্থিত কাৰ্যালয়ত সাংগাঠনিক নিৰ্বাচনৰ সন্দৰ্ভত অনুষ্ঠিত হৈছিল এক গুৰুত্বপূৰ্ণ বৈঠকৰ। বৈঠকত উপস্থিত আছিল ৰাজ্যিক সভাপতি ভৱেশ কলিতাৰ লগতে অসমৰ প্ৰভাৰী হৰিশ দ্বিৱেদী, সাংগঠনিক সাধাৰণ সম্পাদক ৰবীন্দ্ৰ ৰাজু উপস্থিত থাকে । উপস্থিত থাকে মন্ত্ৰী, বিধায়ক, সাংসদ তথা ৰাজ্যৰ বিভিন্ন প্ৰান্তৰ পৰা অহা জিলা আৰু মণ্ডল সভাপতিসকল(Assam BJP new state president to be elected in january)।
এই সভাতে সিদ্ধান্ত গ্ৰহণ কৰা হয়, বিজেপিৰ মণ্ডল, জিলা সভাপতিয়ে খেলিব নোৱাৰিব বিধানসভা নিৰ্বাচন । উল্লেখ্য যে ইতিমধ্যে আৰম্ভ হৈছে বিজেপিৰ সাংগঠনিক নিৰ্বাচনী প্ৰক্ৰিয়া । জিলাই জিলাই মণ্ডল, জিলাৰ উপৰিও বুথসমূহ নতুনকৈ গঠনৰ প্ৰক্ৰিয়া আৰম্ভ হৈছে।
লগতে পঢ়ক :Leopard terror: কেটেতঙত পিঞ্জৰাবদ্ধ হ’ল নাহৰফুটুকী