জামুগুৰিহাট,২১নৱেম্বৰ : জামুগুৰি আৰক্ষী থানাত উত্তপ্ত পৰিস্থিতি ৷
শোণিতপুৰ জিলা গোৰ্খা ছাত্ৰ সন্থাৰ সভাপতি দীপক চুব্বাক গ্ৰেপ্তাৰক লৈ উত্তপ্ত জামুগুৰি আৰক্ষী থানা ৷
উল্লেখ্য যে,চহী জালিয়াতিৰ অভিযোগত জামুগুৰি আৰক্ষীয়ে পুৱতি নিশা গ্ৰেপ্তাৰ কৰে দীপক চুব্বাক৷তেজপুৰৰ ২ নং দোলাবাৰীৰ নিজ বাসগৃহৰপৰা নেতাজনক গ্ৰেপ্তাৰ কৰি লৈ আহে আৰক্ষীয়ে৷ মাটিৰ গৰাকী লাল বাহাদুৰ নেৱাৰৰ এজাহাৰৰ ভিত্তিত আৰক্ষীয়ে গ্ৰেপ্তাৰ কৰে ছাত্ৰ নেতাজনক(Heated situation)৷
ইফালে সভাপতিগৰাকীক দাগী অপৰাধীৰ দৰে আৰক্ষীয়ে ব্যৱহাৰ কৰা অভিযোগ গোৰ্খা ছাত্ৰ সন্থাৰ নেতা কৰ্মীৰ৷
দীপক চুব্বাক বিনা চৰ্তে মুক্তি দিয়াৰ দাবীত জামুগুৰি থানাৰ সন্মুখত গোৰ্খা ছাত্ৰ সন্থাৰ নেতা কৰ্মীৰ তীব্ৰ প্ৰতিবাদ৷
দীপক চুব্বাক স্বাস্থ্য পৰীক্ষাৰ বাবে আৰক্ষীয়ে নিব বিচৰাত আৰক্ষীৰ সৈতে প্ৰতিবাদকাৰীৰ হতাহতি আৰু তীব্ৰ বাক বিতণ্ডা সংঘটিত হয়৷
সম্প্ৰতি জামুগুৰি আৰক্ষী থানাত এক উত্তেজনাময় পৰিস্থিতিয়ে বিৰাজ কৰিছে।
লগতে পঢ়ক:Road Accident in Silchar:যাত্ৰীবাহী অটোখনক চোঁচৰাই নিলে টেংকাৰে;আহত ৫জন