Thief terro in Guwahati: গুৱাহাটীত চিলনী চোৰৰ সন্ত্ৰাস;বাইকেৰে অহা দুই দুৰ্বৃত্তই মহিলাৰ পৰা টানি নিলে বেগ আৰু মোবাইল ফোন
নিউজ ডেস্ক,২০নৱেম্বৰ: ৰাজ্যত দিনক দিনে বৃদ্ধি পাইছে চিলনী চোৰৰ সন্ত্ৰাস । দিন দুপৰতে চিলনী চোৰে কাঢ়ি লৈ যায় বিভিন্ন মূল্যবান সামগ্ৰী ৷
বিগত কেইবাদিন ধৰি ৰাজ্যত প্ৰায়েই সংঘটিত হৈ আহিছে ম’বাইল চুৰিকে বিভিন্ন চুৰিকাণ্ডৰ ঘটনা ৷ যদি কেতিয়াবা কাৰোবাৰ জেপৰ পৰা ফোন কাঢ়িছে, কেতিয়াবা আকৌ কথা পাতি থকা অৱস্থাতেই চোৰে কাঢ়ি লৈ যায় ম’বাইল ৷ কেতিয়াবা আকৌ ৰাস্তৰে গৈ থকা অৱস্থাত মহিলাৰ পৰা সোণৰ চেইন কাঢ়ি লৈ গৈছে ।মুঠতে ৰাজ্যত একপ্ৰকাৰে সন্ত্ৰাসৰ সৃষ্টি কৰি আহিছে চোৰে(Thief terro in Guwahati) ৷
ইফালে মহানগৰী গুৱাহাটীত চিলনী চোৰৰ সন্ত্ৰাস দিনক দিনে বৃদ্ধি পাইছে । স্মাৰ্ট আৰক্ষীৰ ব্যৰ্থতাৰ সুযোগ লৈ মহানগৰীত সঘনাই বৃদ্ধি পাবলৈ ধৰিছে চেইন চুৰি, মোবাইল চুৰিৰ দৰে একাধিক অপৰাধমূলক ঘটনা । ইয়াৰ মাজতেই মঙলবাৰে পুনৰ অনুৰূপ ঘটনা সংঘটিত হয়।
মঙলবাৰে নিশা শ্ৰীনগৰত এগৰাকী মহিলাক লুটপাত চলাই দুই দুৰ্বৃত্তই। বাইকেৰে আহি দুই দুৰ্বৃত্তই টানি লৈ যায় এগৰাকী মহিলাৰ বেগ আৰু মোবাইল ফোন। দুৰ্বৃত্তৰ আক্ৰমণত আহত হয় ভুক্তভোগী মহিলাগৰাকী।
লোৰ সামগ্ৰীৰে প্ৰহাৰ কৰি মহিলাগৰাকীক লুটপাত চলাই দুৰ্বৃত্তই। মূৰত গুৰুতৰভাৱে আঘাত পাই মহিলা।আহত মহিলাগৰকীক ততাতৈয়াকৈ মহানগৰীৰ মিডলেণ্ড হাস্পতালত ভৰ্তি কৰোৱা হৈছিল। চিকিৎসাৰ অন্তত নিশা লৈ অনা হয় ঘৰলৈ।