Chapar Dacoity : এইবাৰ পাতি লোৱা ভায়েকে নিচাজাতীয় দ্ৰব্য খুৱাই লুটি লৈ গ’ল সোণ-ৰূপৰ আ-অলংকাৰৰ লগতে নগদ ধন
চাপৰ,১৮নৱেম্বৰ :চাপৰৰ শালকোছাত ডকাইতি কাণ্ড।
এইবাৰ পাতি লোৱা ভায়েকে নিচাজাতীয় দ্ৰব্য খুৱাই লুটি লৈ গ’ল কেবা লক্ষাধিক টকাৰ সোণ-ৰূপৰ আ-অলংকাৰৰ লগতে নগদ ধন।
চাপৰৰ শালকোছাৰ হাৰকাটাত দেওবাৰে নিশা সংঘটিত হয় এক ভয়ংকৰ ঘটনাটো।পাতি লোৱা ভায়েকে গাখীৰৰ লগত নিচাজাতীয় দ্ৰৱ্য খুৱাই লুটি নিয়ে মূল্যৱান সোণৰ আ-অলংকাৰৰ লগতে নগদ ধন(Chapar Dacoity)।
উল্লেখ্য যে বিগত কেবাদিন পূৰ্বে গৌৰীপুৰৰ পৰা অহা ৰাজু নামৰ লোক এজনে শালকোছা হাৰকাটাৰ পেচাত দৰ্জী ময়নাল হকৰ পত্নীক ভন্টি বনাই অহা-যোৱা কৰিছিল। সহজ-সৰল ময়নাল হকৰ পৰিয়ালে গৌৰীপুৰৰ ব্যক্তিজনক আশ্ৰয় দিছিল ঘৰত যদিও যোৱা নিশা ময়নাল হকৰ লগতে হালিমা বিবি, আৰু সুৰতন খাতুনক গাখীৰৰ লগত নিচাজাতীয় দ্ৰৱ্য খুৱাই ঘৰৰ সকলো আ-অলংকাৰৰ লগতে নগদ ধন লুটি পলাই যায়।
পুৱা গাওঁৰ মানুহে ময়নাল হকৰ ঘৰত গৈ দেখে ময়নাল হকৰ লগতে হালিমা বিবি আৰু সুৰতন নেছাক অচেতন অৱস্থাত দেখি লগে-লগে শালকোছা আৰক্ষীক খবৰ দিয়ে আৰু তিনিও জনকে চাপৰ চিকিৎসালয়ত ভৰ্তি কৰায়। সম্প্ৰতি তিনিও চিকিৎসাধীন অৱস্থাত আছে। ঘটনাৰ সংক্ৰান্তত শালকোছা আৰক্ষীয়ে তদন্ত অব্যাহত ৰাখিছে।
লগতে পঢ়ক:নিজকে সিংঘম বুলি ভৱা ভাৰ্গৱ বৰবৰা কিমান বৰ্বৰ জানেনে ?