Grenade Attack At Sunday Market In J&K: জম্মু-কাশ্মীৰৰ শ্ৰীনগৰত সন্ত্ৰাসবাদী আক্ৰমণ;আহত ১০ জনৰো অধিক লোক
নিউজ ডেস্ক,৪নৱেম্বৰ : দেওবাৰে জম্মু-কাশ্মীৰৰ শ্ৰীনগৰত সন্ত্ৰাসবাদী আক্ৰমণ।শ্ৰীনগৰৰ টি আৰ চি আৰু দেওবৰীয়া বজাৰত গ্ৰেনেড নিক্ষেপ সন্ত্ৰাসবাদীৰ।ফলত গুৰুতৰভাৱে আহত ১০ জনৰো অধিক লোক (10 Injured in grenade attack at Sunday Market in J&K)।
জানিব পৰা মতে,দেওবাৰে শ্ৰীনগৰৰ সাপ্তাহিক বজাৰৰ বিপুল সংখ্যাক লোকে ভিৰ কৰে আৰু সেই সময়তে সন্ত্ৰাসবাদীয়ে জনসমাগমৰ সুযোগ লৈ বিস্ফোৰণৰ ঘটনা সংঘটিত কৰে। বিস্ফোৰণৰ পিছতে অঞ্চলজুৰি বিশৃংখল পৰিৱেশৰ সৃষ্টি হয়(Grenade Attack At Sunday Market In J&K)।
সূত্ৰই জনোৱা অনুসৰি, পৰ্যটন অভ্যৰ্থনা কেন্দ্ৰৰ খেলপথাৰৰ বাহিৰত গ্ৰেনেড নিক্ষেপ কৰাত কমেও ১২ জন সাধাৰণ নাগৰিক আহত হয়। আহতসকলক চিকিৎসাৰ বাবে শ্ৰীনগৰৰ SMHS হাস্পতাললৈ যোৱা হৈছে বুলিও সূত্ৰটোৱে জানিবলৈ দিয়ে ।
বিষয়াসকলে জনোৱা মতে, আক্ৰমণকাৰীয়ে লক্ষ্যভ্ৰষ্ট হৈ ব্যস্ত বজাৰত গ্ৰেনেড নিক্ষেপ কৰে ৷ এই ঘটনাত কেইবাজনো সাধাৰণ নাগৰিক আহত হয় ৷ সম্প্ৰতি ঘটনাস্থলীলৈ অতিৰিক্ত বাহিনী প্ৰেৰণ কৰাৰ লগতে অঞ্চলটো ঘেৰাও কৰা হৈছে বুলিও তেওঁ কয় । বিষয়াগৰাকীয়ে লগতে কয় যে আক্ৰমণকাৰীক গ্ৰেপ্তাৰ কৰাৰ প্ৰচেষ্টা অব্যাহত আছে ।