নিউজ ডেস্ক,২নৱেম্বৰ : দীপাৱলীৰ আনন্দ উল্লাহৰ মাজতে ওদালগুৰি জিলাৰ বকুলতলা অঞ্চলত ভয়ংকৰ অগ্নিকাণ্ডৰ ঘটনা।
শুকুৰবাৰে নিশা সংঘটিত হয় এই অগ্নিকাণ্ডৰ ঘটনাটো। অগ্নিকাণ্ডৰ ফলত ভষ্মীভূত হয় অঞ্চলটোৰ ৪ খন ব্যৱসায়িক প্রতিষ্ঠান। লগতে জাহ যায় প্ৰায় ৪০ লক্ষাধিক টকাৰ সামগ্রী(Massive fire breaks out in Udalguri)।
এই ভয়ংকৰ ঘটনাতো সংঘটিত হোৱাৰ পাছতে ঘটনা সন্দৰ্ভত সাপমাৰী আৰক্ষী চকীত খবৰ দিয়া হয় আৰক্ষীয়ে ঘটনা সন্দৰ্ভত খবৰ লাভ কৰাৰ লগে লগে ঘটনাস্থলীত উপস্থিত হয় আৰু অগ্নিনির্বাপক বাহিনীয়ে পৰিস্থিতি নিয়ন্ত্ৰণ কৰে। ইফালে অগ্নিকাণ্ডত ক্ষয়- ক্ষতি হোৱা সামগ্ৰীৰ ক্ষতিপূৰণ বিচাৰিছে ভুক্তভোগী লোকসকলে। এইক্ষেত্ৰত অসম ৰাজ্যিক দুৰ্যোগ প্ৰশমন বিভাগৰ ফালৰ পৰা সহায়- সাহাৰ্য বিচাৰিছে ভুক্তভোগীসকলে।
চৰ্ট চাৰ্কিটৰ ফলত ভয়ংকৰ অগ্নিকাণ্ডৰ সূত্রপাত হোৱা বুলি সন্দেহ।
লগতে পঢ়ক :Tragic road accident in Karimganj : ঘাইপথত বাগৰি পৰিল যাত্ৰীবাহী বাছ;আহত ২০জন