নেশ্যনেল ডেস্ক,২৮অক্টোবৰ : দেশত আগন্তুক দীপাৱলীৰ আনন্দ-উল্লাসৰ মাজত ব্যস্ত সকলো।তাৰ মাজতে অঘটন।
দেওবাৰে মাজ নিশা এখন ৰেস্তোৰাঁত সংঘটিত হয় ভয়ংকৰ অগ্নিকাণ্ডৰ ঘটনা৷অগ্নিকাণ্ড ইমানে ভয়ংকৰ আছিল যে নিমিষতে এখন ফটকাৰ দোকানলৈ বিয়পি পৰে । ফলত ভস্মীভূত হয় কেবাখনো বাহন ৷ লগতে এগৰাকী মহিলাও আঘাতপ্ৰাপ্ত হয় বুলি জানিব পৰা গৈছে(Massive fire in firecracker shop in Hyderabad)।
হায়দৰাবাদৰ চুলতান বজাৰত থকা এখন ৰেস্তোৰাঁত সংঘটিত হৈছে এই ভয়ংকৰ ঘটনাটো৷
চুলতান বজাৰৰ অতিৰিক্ত আৰক্ষী আয়ুক্ত কে শংকৰে ঘটনা সন্দৰ্ভত জনোৱা অনুসৰি, এই ঘটনাটো এখন ৰেষ্টুৰেণ্টত সংঘটিত হয় ৷ তাৰ পাচতে ৰেষ্টুৰেণ্টখনৰ ওচৰতে অবৈধভাৱে থকা ফটকাৰ দোকানলৈ এই জুইৰ শিখা বিয়পি পৰে ।
ঘটনা সন্দৰ্ভত জিলা অগ্নিনিৰ্বাপক বিষয়া এ ভেংকন্নাই ANI ক জনোৱা মতে,দেওবাৰে নিশা ৯.১৮ বজাত এই ঘটনাৰ খবৰ তেওঁলোকে লাভ কৰিছিল ৷ লগে লগে এখন অগ্নিনিৰ্বাপক বাহিনীৰ লোক উক্ত স্থানত উপস্থিত হৈ জুই নিৰ্বাপনৰ চেষ্টা কৰে, যদিও পৰৱৰ্তী সময়ত অন্য কেবাখনো অগ্নিনিৰ্বাপক বাহিনীৰ বাহন আনিব লগাত পৰে ৷ অৱশেষত বহু সময়ৰ অন্তত ৭-৮ খন অগ্নিনিৰ্বাপক বাহিনী গাড়ীৰ সহায়ত জুই নিয়ন্ত্ৰণলৈ আনিবলৈ সক্ষম হয়।
লগতে পঢ়ক :Guwahati Woman Goes Missing: বিগত চাৰিদিনে গুৱাহাটী মহানগৰীৰ পৰা সন্ধানহীন জুৰি দাস