Student Stabbed with scissors by Classmate In Assam School : পুনৰ শিক্ষানুষ্ঠানত ভয়ংকৰ ঘটনা! সতীৰ্থক কেঁচীৰে আক্ৰমণ সহপাঠীৰ
নিউজ ডেস্ক,২৭অক্টোবৰ : পুনৰ নলবাৰীত সংঘটিত হৈছে সহপাঠীক আক্ৰমণ কৰা ঘটনা। এজন ছাত্ৰই কেঁচীৰে হানি-খুচি আঘাতপ্ৰাপ্ত কৰিলে আন এগৰাকী ছাত্ৰক । সম্প্ৰতি চিকিৎসালয়ত চিকিৎসাধীন ছাত্ৰজন(Student Stabbed with scissors by Classmate In Assam School)।
নলবাৰীৰ মহিনা হাইস্কুলত সংঘটিত হৈছে এই ভয়ংকৰ ঘটনাটো ।
খবৰ অনুসৰি, মহিনা হাইস্কুলখনৰ দশম শ্ৰেণীত অধ্যয়নৰত এজন ছাত্ৰক কেঁচীৰে আক্ৰমণ কৰে একে শ্ৰেণীৰে আন এজন ছাত্ৰক। ছাত্ৰজনে নিজৰ বেগত লৈ অহা কেঁচীৰে এই ছাত্ৰজনক শ্ৰেণীকোঠাৰ বাহিৰত হানি-খুচি আঘাতপ্ৰাপ্ত কৰে।শ্ৰেণীকোঠাত শিক্ষকৰ পাঠদান শেষ হোৱাৰ পিছতেই এই ভয়ংকৰ ঘটনাটো সংঘটিত হয় ।
এই ঘটনাটো সংঘটিত হোৱাৰ পিছতেই আঘাতপ্ৰাপ্ত ছাত্ৰজনক বিদ্যালয়খনৰ শিক্ষকসকলে ধমধমাত প্ৰাথমিক চিকিৎসা প্ৰদান কৰি দায় সৰাৰ অভিযোগ উত্থাপন কৰে আহত ছাত্ৰৰ পৰিয়ালে ।
পৰৱৰ্তী সময়ত পৰিয়ালৰ লোকে ছাত্ৰজনক নলবাৰীৰ এখন ব্যক্তিগত খণ্ডৰ হাস্পতালত ভৰ্তি কৰোৱা হয়। এই ভয়ংকৰ ঘটনাটো সংঘটিত হোৱাৰ পিছতে অঞ্চলজুৰি তীব্ৰ চাঞ্চল্যৰ সৃষ্টি হৈছে।
লগতে পঢ়ক :Cyclone Dana: ওড়িশাত সাগৰীয় ঘূৰ্ণিবতাহ ‘ডানা’ৰ ভয়ংকৰ ৰূপ