নেশ্যনেল ডেস্ক,১০অক্টোবৰ : মুখ্যমন্ত্ৰীৰ বাসগৃহ ছীল। দিল্লীৰ চিভিল লাইনত থকা মুখ্যমন্ত্ৰীৰ বাসগৃহ ছীল। চৰকাৰী ঘৰৰ মূল গেটতো দুটা তলা লগোৱা হৈছে।একে সময়তে ভিজিলেন্স বিভাগেও প্ৰৱেশ ৰঞ্জন ঝাকে ধৰি তিনিজন বিষয়াক জাননী দি উত্তৰ বিচাৰিছে(Delhi CM Atishi Evicted From Govt Residence)।
পিটিআইৰ মতে, বুধবাৰে মুখ্যমন্ত্ৰীৰ কাৰ্যালয়ে এক বিবৃতি প্ৰকাশ কৰি অভিযোগ কৰে যে চিভিল লাইনৰ ৬ নং ফ্লেগষ্টাফ ৰোডত থকা ‘দিল্লীৰ মুখ্যমন্ত্ৰীৰ বাসগৃহ’ বিজেপিৰ নিৰ্দেশত বলপূৰ্বকভাৱে খালী কৰা হৈছে ৷ কিয়নো লেফটেনেণ্ট গৱৰ্ণৰ ভি কে ছাক্সেনাই এজন বিজেপি নেতাক এই ঘৰটো আৱণ্টন দিয়াৰ পৰিকল্পনা কৰিছিল(Delhi CM office says Atishi’s belongings forcefully removed from official residence on LG’s order)।
বিবৃতিটোত লগতে উল্লেখ কৰা হৈছে যে দিল্লীৰ মুখ্যমন্ত্রী আতিশীৰ সা-সামগ্রীও তেওঁৰ পূর্বৰ অৰবিন্দ কেজৰিৱালে বাস কৰা বাসগৃহৰ পৰা আঁতৰাই নিয়া হৈছে ৷ কিন্তু এই অভিযোগৰ সন্দৰ্ভত লেফটেনেণ্ট গৱৰ্ণৰৰ অফিচ বা বিজেপিয়ে কোনো তাৎক্ষণিক প্ৰতিক্ৰিয়া দিয়া নাই।
উল্লেখ্য যে, অৰবিন্দ কেজৰিৱালে যোৱা ৯ বছৰে চৰকাৰী বাংলোত বাস কৰিছিল যদিও শেহতীয়াকৈ তেওঁ পদৰ পৰা পদত্যাগ কৰিছিল, তাৰ পিছত নিয়ম অনুসৰি ঘৰ খালী কৰিবলগীয়া হৈছিল ।
চৰকাৰী গৃহ নিৰ্মাণৰ অবৈধ নিৰ্মাণ আৰু উচ্ছেদ প্ৰক্ৰিয়া সঠিকভাৱে সম্পূৰ্ণ নকৰাৰ বিৰুদ্ধে বুধবাৰে PWD বিভাগে এই ব্যৱস্থা গ্ৰহণ কৰে।
লগতে পঢ়ক :World Mental Health Day 2024: আজি বিশ্ব মানসিক স্বাস্থ্য দিৱস