নেশ্যনেল ডেস্ক, ১৭ছেপ্টেম্বৰ : ৭৪ বছৰীয়া হ’ল প্ৰধানমন্ত্ৰী নৰেন্দ্ৰ মোডী । আজি দেশৰ প্ৰধানমন্ত্ৰী নৰেন্দ্ৰ মোডীৰ জন্মদিন(PM Modi 74rd birthday today)। প্ৰধানমন্ত্ৰীগৰাকীৰ জন্মদিন উপলক্ষে বিভিন্নজনে জনাইছে শুভেচ্ছা।
ত্ৰিপুৰাৰ মুখ্যমন্ত্ৰী ডাঃ মানিক সাহাই মঙলবাৰে প্ৰধানমন্ত্ৰী নৰেন্দ্ৰ মোদীক জন্মদিনৰ শুভেচ্ছা জনায় । তেওঁ এক্সৰ এটা পোষ্টত লিখিছে, “মাননীয় প্ৰধানমন্ত্ৰী নৰেন্দ্ৰ মোদীজী, দূৰদৰ্শী নেতা আৰু মহান পুত্ৰক জন্মদিনৰ শুভেচ্ছা জনাইছো । শক্তিশালী, সমৃদ্ধ ভাৰতৰ বাবে আপোনাৰ দৃষ্টিভংগী প্ৰতিগৰাকী লোকৰ হৃদয়তে প্ৰতিধ্বনিত হয় । ভাৰতৰ উন্নয়নৰ লগতে প্ৰজন্মক অনুপ্ৰাণিত কৰা আপোনাৰ ডাইনেমিক নেতৃত্ব আৰু অটল নিষ্ঠা অব্যাহত থাকক !”
মহাৰাষ্ট্ৰৰ মুখ্যমন্ত্ৰী একনাথ সিন্দেও প্ৰধানমন্ত্ৰী মোদীক জন্মদিনৰ শুভেচ্ছা জ্ঞাপন কৰি কয়, “প্ৰধানমন্ত্ৰী নৰেন্দ্ৰ মোদীক মোৰ তৰফৰ পৰা জন্মদিনৰ শুভেচ্ছা । মই তেওঁৰ সুস্বাস্থ্য আৰু দীৰ্ঘায়ু কামনা কৰিছো । প্ৰধানমন্ত্ৰী মোদীৰ নেতৃত্বত ভাৰতে এক অৰ্থনৈতিক মহাশক্তি হোৱাৰ দিশে আগবাঢ়িছে, মই তেওঁক ২০৪৭ চনৰ ভিতৰত উন্নত ভাৰতৰ সংকল্প পূৰণ কৰাৰ শক্তি কামনা কৰিছো । মহাৰাষ্ট্ৰই দেশখনক ৫ ট্ৰিলিয়ন অৰ্থনীতি কৰাৰ প্ৰধানমন্ত্ৰী মোদীৰ সংকল্প পূৰণ কৰিবলৈ সকলো সম্ভৱ প্ৰচেষ্টা চলাই আছে । মই ক’ব বিচাৰো যে একবিংশ শতিকা হৈছে ভাৰতৰ শতক কাৰণ দেশৰ অধিনায়ক হৈছে প্ৰধানমন্ত্ৰী মোদী । মই তেওঁক জন্মদিনৰ শুভেচ্ছা জনাইছো ।”
লগতে পঢ়ক : Delhi CM Arvind Kejriwal :মুখ্যমন্ত্ৰী অৰবিন্দ কেজৰিৱাল ইমানদাৰ হয় নে নহয় ?