ৰূপহীহাট,৩ছেপ্তেম্বৰ : কুলংগাৰ পুত্ৰৰ অত্যাচাৰৰ বলি বৃদ্ধ পিতৃ -মাতৃ। ডিঙি চেপি হত্যাৰ চেষ্টা পিতৃ -মাতৃক।
ৰূপহীহাটৰ ভকত গাঁৱত সংঘটিত হৈছে মানৱ সমাজক লজ্জিত কৰা এক ঘটনা। নিজ পিতৃ-মাতৃক হত্য়াৰ চেষ্টা পুত্ৰৰ ।
জানিব পৰা মতে,ৰূপহীহাটৰ ভকত গাঁৱৰ অৱসৰপ্ৰাপ্ত আৰক্ষী কনিষ্টবল উপেন্দ্ৰ বৰুৱা আৰু তেওঁৰ পত্নীয়ে পুত্ৰক পঢ়া শুনা কৰাই বানিজ্য শাখাত স্নাতক ডিগ্ৰী কৰোৱালে । এতিয়া পুত্ৰ নিপন বৰুৱাই এটা বেচৰকাৰী চাকৰি কৰি সংসাৰ পাশত আৱদ্ধ হ’ল। পিতৃ-মাতৃয়ে নিজৰ সাঁচতীয়া ধন খৰচ কৰি পুত্ৰ নিপনক বিবাহ কৰাই দিছিল সাত মাহ মান পূৰ্বে(Tragic incident)।
কিন্তু বিয়াৰ পিছতে অজ্ঞাত কাৰণত পুত্ৰ নিপনে নিজৰ অসুখীয়া পিতৃ মাতৃক অত্যাচাৰ কৰাকলৈ সৃষ্টি হৈছে প্ৰতিক্ৰিয়াৰ।
অভিযোগ অনুসৰি, পুত্ৰই নিৰ্মম ভাৱে অত্যাচাৰ কৰে পিতৃ মাতৃক । উপাইহীন হৈ অৱসৰপ্ৰাপ্ত আৰক্ষী কনিষ্টবল উপেন্দ্ৰ বৰুৱা আৰু তেওঁৰ পত্নী ৰূপহীহাট আৰক্ষী থানাত উপস্থিত হয় । পুত্ৰ নিপন বৰুৱাৰ অত্যাচাৰ সহিব নোৱাৰি উপাইহীন হৈ এজাহাৰ দাখিল কৰে । কান্দি কান্দি বৃদ্ধ দম্পতী হালে থানাত হাজিৰ হোৱাত মানৱৰূপী দানৱ পুত্ৰৰ চৰিত্ৰ উদং খালে।
লগতে পঢ়ক : Couple of bodies found on railway track in goalpara : ৰে’লপথত উদ্ধাৰ এহাল যুৱক-যুৱতীৰ ছিন্ন ভিন্ন মৃতদেহ