Couple of bodies found on railway track in goalpara : ৰে’লপথত উদ্ধাৰ এহাল যুৱক-যুৱতীৰ ছিন্ন ভিন্ন মৃতদেহ
নিউজ ডেস্ক,৩ছেপ্তেম্বৰ : ৰে’লপথত উদ্ধাৰ এহাল যুৱক-যুৱতীৰ ছিন্ন ভিন্ন মৃতদেহ ।
মঙলবাৰে পুৱাই গোৱালপাৰাত পোহৰলৈ আহিছে এক চাঞ্চল্যকৰ ঘটনাৰ । মাকৰিৰ নিৰ্মীয়মান টোলগেটৰ সমীপৰ ৰে’লপথত উদ্ধাৰ এহাল যুৱক-যুৱতিৰ ছিন্ন ভিন্ন মৃতদেহ।
মৃতদেহৰ কাষৰ পৰা উদ্ধাৰ কৰা মোবাইল ফোন ।মোবাইল ফোনৰ জৰিয়তে যুৱক আৰু যুৱতী গৰাকীক চিনাক্ত কৰা হৈছে । মৃত যুৱকজন বঙাইগাঁও জিলাৰ যোগীঘোপাৰ নুৰজামানৰ পুত্ৰ নাজিবুল (২৪) আৰু যুৱতিগৰাকী গোৱালপাৰা চহৰৰ ৯ নং ৱাৰ্ডৰ মুস্তাক আলীৰ জীয়ৰী মুস্কান ইয়াছমিন (২০) বুলি চিনাক্ত কৰা হৈছে(Couple of bodies found on railway track in goalpara)।
মঙলবাৰে পুৱা পাঁচ বজাৰ আশে-পাশে সংঘটিত হৈছে এই দুৰ্ঘটনাটো। দুই প্ৰেমিক প্ৰেমিকাই ৰে’লৰ আগত জপিয়াই আত্মহত্যা কৰাৰ সন্দেহ কৰা হৈছে। কিন্তু প্ৰেমিক হালে কি কাৰণত পুৱাই আত্মহত্যাৰ দৰে চৰম সিদ্ধান্ত ল’বলগা হ’ল তাক জানিব পৰা হোৱা নাই।
এই ঘটনা পোহৰলৈ অহাৰ পিছতে আৰক্ষীয়ে ঘটনাস্থলীত উপস্থিত হৈ দুয়োটা ছিন্ন ভিন্ন মৃতদেহ উদ্ধাৰ কৰি মৰণোত্তৰ পৰীক্ষাৰ বাবে অসামৰিক চিকিৎসালয়লৈ প্ৰেৰণ কৰিছে। নিৰ্মীয়মান ফ’ৰলেন ৰাষ্ট্ৰীয় ঘাইপথৰ দাঁতিত পৰিত্যক্ত অৱস্থাত দুটা হেলমেটসহ এ এছ ১৯ ইউ ৪৩৩৭ পঞ্জীয়ন নম্বৰৰ নতুন পালচাৰ বাইক এখনো উদ্ধাৰ কৰা হৈছে।
বাইকখন মৃত যুৱকগৰাকীৰ নামত পঞ্জীয়নভুক্ত বুলি জানিব পৰা গৈছে। আৰক্ষীয়ে ঘটনাৰ তদন্ত অব্যাহত ৰখিছে(Couple of bodies found on railway track in goalpara)।