মেৰাপানী,২আগষ্ট : কৰ্মসূত্ৰে নাগালেণ্ডলৈ গৈ সন্ধানহীন মেৰাপানীৰ এজন ব্যক্তি ।
বন্ধুৰ সৈতে শুই থকা অৱস্থাত হঠাতে ৰহস্যজনক ভাৱে সন্ধানহীন হয় ব্যক্তিজন । সন্ধানহীন ব্যক্তিজন মেৰাপানীৰ ৰাতুল কছাৰী বুলি জানিব পৰা গৈছে ।
ঘটনা অনুসৰি মেৰাপানীৰ বিজয়পুৰৰ ৰাতুল কছাৰীয়ে স্থানীয় এজন বন্ধুৰ সৈতে নাগালেণ্ডৰ এখন চাহ বাগিচাত কৰ্মৰত আছিল। আন দিনাৰ দৰে ২৮ আগষ্টত দুই বন্ধুৱে কাম সামৰি আহি শুই থকাৰ অৱস্থাত হঠাতে কোঠাৰ পৰা নোহোৱা হয় ৰাতুল কছাৰী।এই কথা গম পোৱাৰ লগে লগে বন্ধুৱে পৰিয়ালৰ লোকক খবৰ দিয়ে । পৰিয়ালৰ লোকে ঘটনা সন্দৰ্ভত খবৰ পোৱাৰ লগে লগে বহু বিচাৰ সোচৰ কৰে যদিও কোনোধৰণৰ সূং সূত্ৰ নাপাই(Assam Man goes Missing)।
ইফালে ৰাতুল কছাৰী নিৰুদ্দেশ সন্দৰ্ভত নাগালেণ্ডৰ ভাণ্ডাৰীৰ আৰক্ষী চকীত এজাহাৰ দাখিল কৰে পৰিয়ালৰ লোকে লগতে মেৰাপানী আৰক্ষী থানাতো এজাহাৰ দাখিল কৰে।
উল্লেখ্য যে ৰাতুল কছাৰী ঘৰৰ একমাত্ৰ উপাৰ্জনকাৰী সন্ধানহীন হোৱাত পৰিয়ালটো দুখত ভাগি পৰিছে। যদি কোনো লোকে এই ব্যক্তি জনক দেখা পায় তেন্তে স্থানীয় আৰক্ষী থানা অথবা 9394229522 নম্বৰত যোগাযোগ কৰিবলৈ অনুৰোধ জনাইছে পৰিয়ালটোৱে।
লগতে পঢ়ক : Road Accident in Najira : নিয়ন্ত্ৰণ হেৰুওৱাই এটা পকা পুলত খুন্দা ভাৰ্ণা বাহনৰ