নিউজ ডেস্ক,২ছেপ্তেম্বৰ : ৰাজ্যত দিনক দিনে বৃদ্ধি পাইছে চিলনী চোৰৰ সন্ত্ৰাস । দিন দুপৰতে চিলনী চোৰে কাঢ়ি লৈ যায় বিভিন্ন মূল্যবান সামগ্ৰী ৷
বিগত কেইবাদিন ধৰি ৰাজ্যত প্ৰায়েই সংঘটিত হৈ আহিছে ম’বাইল চুৰিকে বিভিন্ন চুৰিকাণ্ডৰ ঘটনা ৷ যদি কেতিয়াবা কাৰোবাৰ জেপৰ পৰা ফোন কাঢ়িছে, কেতিয়াবা আকৌ কথা পাতি থকা অৱস্থাতেই চোৰে কাঢ়ি লৈ যায় ম’বাইল ৷ কেতিয়াবা আকৌ ৰাস্তৰে গৈ থকা অৱস্থাত মহিলাৰ পৰা সোণৰ চেইন কাঢ়ি লৈ গৈছে ।
মুঠতে ৰাজ্যত একপ্ৰকাৰে সন্ত্ৰাসৰ সৃষ্টি কৰি আহিছে চোৰে(Thief terro in Guwahati) ৷
ইফালে মহানগৰী গুৱাহাটীত চিলনী চোৰৰ সন্ত্ৰাস দিনক দিনে বৃদ্ধি পাইছে । প্ৰাতঃ ভ্ৰমণলৈ অহা একাংশ মহিলা এতিয়া চিলনী চোৰৰ টাৰ্গেট হৈ পৰিছে।
প্ৰাতঃ ভ্ৰমণলৈ যোৱা মহিলাৰ ডিঙিৰ পৰা কাঢ়ি নিলে সোণৰ চেইন। দেওবাৰে শিলপুখুৰীত এগৰাকী মহিলাৰ প্ৰাতঃ ভ্ৰমণলৈ যোৱাৰ সময়তে ডিঙিৰ পৰা দুৰ্বৃত্তই কাঢ়ি নিয়ে সোণৰ চেইন।
ঘটনাক কেন্দ্ৰ কৰি অঞ্চলটোত চেপা উত্তেজনাৰ সৃষ্টি হয়। এতিয়ালৈকে উলিয়াব পৰা নাই দুৰ্বৃত্তৰ সম্ভেদ।
লগতে পঢ়ক :Thief terror in Kamalpur : নিজৰ পদূলিমুখৰ পৰা চিলনী চোৰে কাঢ়ি নিলে মহিলাৰ ডিঙিৰ চেইন