নিউজ ডেস্ক,২ছেপ্তেম্বৰ : পুনৰ বহি:ৰাজ্যত নিৰুদ্দেশ অসমৰ যুৱক।
কামৰ সন্ধানত প্ৰতিবছৰে অসমৰ পৰা বহু যুৱক-যুৱতী অসমৰ বাহিৰলৈ ওলাই যায় ৷ কামৰ সন্ধানত বহি:ৰাজ্যলৈ ওলাই যায় অসমৰ যুৱক যুৱতী।
ভাৰতৰ প্ৰায় প্ৰতিখন ৰাজ্যতে ভৰি আছে অসমৰ যুৱক-যুৱতীৰে ৷ স্বাৱলম্বী হৈ নিজৰ লগতে পৰিয়াল পোহপাল দিয়াৰ মানসেৰে ওলাই যোৱা বহু অসমীয়াই কিন্তু ৰাজ্যৰ বাহিৰত প্ৰাণ হেৰুওৱাৰ কাহিনীও আমি প্ৰায়ে শুনিবলৈ পাওঁ(Assam Youth Goes Missing)৷
উপযুক্ত কৰ্মসংস্থাপনৰ অভাৱত অসমৰ হাজাৰ হাজাৰ নিৱনুৱাই কৰ্মসংস্থাপন বিচাৰি কেৰেলা, বাঙ্গালুৰু, হায়দৰাবাদ, চেন্নাই আদি বহিঃৰাজ্যলৈ ঢাপলি মেলে । ইতিমধ্যে দেশৰ বিভিন্ন স্থানত অসমৰ হাজাৰ হাজাৰ যুৱক শ্ৰমিক হিচাপে কৰ্মৰত হৈ আছে ।
কিন্তু বহিঃৰাজ্যত কৰ্মৰত হৈ থকা অসমীয়া লোক নিৰাপত্তাহীনতাত ভোগা দেখিবলৈ পোৱা গৈছে। প্ৰতিদিনে বহিঃৰাজ্যত কৰ্মৰত যুৱক-যুৱতী ৰহস্যজনকভাৱে নিখোঁজ, মৃত্যু হোৱাৰ খবৰে ইয়াক অধিক দৃঢ় কৰি তুলিছে৷
প্ৰায়েই সংবাদ মাধ্য়মৰ শিৰোনাম দখল কৰা দেখা যায় এনে ঘটনাসমূহে । বৰ্ণবৈষম্যকে ধৰি বিভিন্ন কাৰণত অসমীয়া ব্যক্তি সন্ধানহীন হোৱাৰ লগতে বহি:ৰাজ্যত অসমীয়াক হত্যা কৰাৰ ঘটনা আজিকালি দৈনিক দৃশ্যমান ৷ ইয়াৰ সমান্তৰালকৈ পুনৰ পোহৰলৈ আহিছে আন এক ঘটনা(Assam Youth Missing in Train) ।
পুনৰ বহিঃৰাজ্যত সন্ধানহীন অসমৰ যুৱক। কৰ্মৰ সন্ধানত বাংগালুৰুলৈ গৈ সন্ধানহীন টিংখাঙৰ জোন গগৈ নামৰ যুৱকজন ।
জানিব পৰা মতে, শুকুৰবাৰে তিনিচুকীয়াৰ পৰা বাংগালুৰুলৈ ৰাওনা হৈছিল যুৱকজন। ভনী-জোঁৱাই জিণ্টু সন্দিকৈ, শান্তনু হাজৰিকা নামৰ এজনৰ সৈতে গৈছিল বাংগালুৰুলৈ। দেওবাৰে শেষবাৰৰ বাবে জোন গগৈৰে ফোনত বাৰ্তালাপ হৈছিল পৰিয়ালৰ সৈতে।
কিন্তু ৰহস্যজনকভাৱে ওড়িশাৰ ৰে’ল আলিত উদ্ধাৰ জোন গগৈৰ বেগটো। তেতিয়াৰে পৰা বৰ্তমানেও সন্ধাহীন হৈ আছে যুৱকজন ।
কোনো সদাশয় ব্যক্তিয়ে জোন গগৈৰ সন্ধান পালে 9707162085, 9954813696 নম্বৰত যোগাযোগ কৰিবলৈ আহ্বান জনাই পৰিয়ালৰ লোকে।
লগতে পঢ়ক : BJP to launch membership drive today : আজি দেশজুৰি বিজেপিয়ে আৰম্ভ কৰিব সদস্যভৰ্তি অভিযান