নিউজ ডেস্ক,৮আগষ্ট : পেৰিছ অলিম্পিকত পদক অৰ্জনৰ দৌৰৰ পৰা বাহিৰ মীৰাবাঈ চানু। ১ কিলোগ্ৰামৰ বাবে পদক লাভৰ পৰা বঞ্চিত ভাৰতীয় ভাৰোত্তোলকগৰাকী। বুধবাৰে অনুষ্ঠিত ৪৯ কিল’গ্ৰাম শাখাৰ ভাৰোত্তোলন প্ৰতিযোগিতাত চতুৰ্থ স্থান লাভ কৰে খেলুৱৈগৰাকীয়ে(Mirabai Chanu finishes heartbreaking fourth) ।
উল্লেখ্য যে, স্নেচ আৰু ক্লিন এণ্ড জাৰ্ক ৰাউণ্ডত সৰ্বশ্ৰেষ্ঠ প্ৰচেষ্টাৰ সংমিশ্ৰণ হিচাপে চানুৱে মুঠ ১৯৯ কিল’গ্ৰাম ওজন দাঙিছিল । স্নেচত খেলুৱৈগৰাকীৰ সৰ্বশ্ৰেষ্ঠ লিফ্ট আছিল ৮৮ কিল’গ্ৰাম ৷ আনহাতে ক্লিন এণ্ড জাৰ্কত সৰ্বাধিক লিফ্ট আছিল ১১১ কিল’গ্ৰাম(Weightlifter Mirabai Chanu Misses Medal by 1 kg, Finishes 4th) ।
টকিঅ’ অলিম্পিকৰ পদক বিজয়ী চানুৱে স্নেচ ৰাউণ্ডৰ প্ৰথম প্ৰচেষ্টাত ৮৫ কিল’গ্ৰাম ওজন উত্তোলন কৰি অভিযান আৰম্ভ কৰে । খেলুৱৈগৰাকীয়ে দ্বিতীয় প্ৰচেষ্টাত ৮৮ কিল’গ্ৰাম ওজন দাঙিবলৈ চেষ্টা কৰে যদিও ব্যৰ্থ হয় ৷
অৱশ্যে, তেওঁ তৃতীয় প্ৰচেষ্টাত ৮৮ কিল’গ্ৰাম ওজন দাঙিবলৈ সক্ষম হৈছিল ৷ স্নেচ ৰাউণ্ডৰ পিছত অলিম্পিকৰ নৱাগত থাইলেণ্ডৰ সুৰোদচানা খাম্বাওৰ সৈতে যুটীয়াভাৱে তৃতীয় স্থানত উপনীত হয় ভাৰতীয় খেলুৱৈগৰাকী ৷