Soldier injured as terrorists fire at army camp in Jammu and Kashmir : জম্মু-কাশ্মীৰৰ সেনা ছাউনীত সন্ত্ৰাসবাদীৰ আক্ৰমণ;সন্ত্ৰাসবাদীৰ গুলীত আহত সেনা জোৱান
নিউজ ডেস্ক,২২জুলাই : জম্মু-কাশ্মীৰৰ সেনা ছাউনীত সন্ত্ৰাসবাদীৰ আক্ৰমণ। সোমবাৰে পুৱতি নিশা জম্মু-কাশ্মীৰৰ ৰাজৌৰীৰ খৱাছৰ বুধল অঞ্চলত সন্ত্ৰাসবাদী আৰু নিৰাপত্তাৰক্ষীৰ মাজত সংঘৰ্ষ হয়। সংঘৰ্ষত এটা সন্ত্ৰাসবাদী নিহত হোৱাৰ লগতে এজন সেনা জোৱান আৰু এগৰাকী সাধাৰণ নাগৰিক আহত হয় । আহত সেনা জোৱানক ততাতৈয়াকৈ চিকিৎসালয়ত ভৰ্তি কৰোৱা হয়(Search operation launched after terrorists fire at security post in Rajouri) ।
আৰক্ষী বিষয়াসকলে জনোৱা অনুসৰি, সোমবাৰে পুৱতি নিশা প্ৰায় ৩.৩০ বজাত গুণ্ডা গাঁৱত এজন ভিডিচি সদস্যৰ ঘৰত সন্ত্ৰাসবাদীয়ে গুলীচালনা কৰে । সেনাই এই গুলীচালনাৰ উপযুক্ত প্ৰত্যুত্তৰ দিয়ে ৷ তাৰ পাচতে বহু সময় ধৰি দুয়োপক্ষৰ মাজত গুলীয়াগুলী চলি থাকে । এই গুলীচালনাৰ সময়তে সেনাবাহিনীৰ এজন জোৱান আহত হোৱাত ততাতৈয়াকৈ ওচৰৰ চিকিৎসালয়লৈ লৈ যোৱা হয় ৷ লগতে সেনাৰ গুলীত এটা সন্ত্ৰাসবাদী নিহত হয় ৷
সেনাৰ ধাৰাসাৰ গুলীত ঘটনাস্থলীৰ পৰা সন্ত্ৰাসবাদীৰ পলায়ন। এই ঘটনাৰ পাছতে ৰাজৌৰীত নিশ্ছিদ্ৰ তালাচী সেনাৰ। সন্ত্ৰাসবাদীক বিচাৰি সেনাৰ ব্যাপক অভিযান অব্যাহত আছে(Soldier injured as terrorists fire at army camp in Jammu and Kashmir)।
লগতে পঢ়ক : Student suicide : মহানগৰীৰ গাৰ্লছ হোষ্টেলত ছাত্ৰীৰ ৰহস্যজনক মৃত্যু