Miscreants allegedly loot lakhs of rupees from a family : গৃহস্থ নথকাৰ সুযোগ লৈ চোৰে লুটি নিলে বহু লক্ষাধিক টকাৰ সম্পত্তিৰ
নিউজ ডেস্ক,১৭জুলাই : গৃহস্থ নথকাৰ সুযোগ লৈ চোৰে লুটি নিলে বহু লক্ষাধিক টকাৰ সম্পত্তিৰ ।
নগাঁও চহৰৰ আমোলাপট্টিত সংঘটিত হৈছে চুৰিকাণ্ড । আমোলাপট্টিৰ প্ৰশান্ত কুমাৰ বৰাৰ ঘৰত সংঘটিত হৈছে এই চুৰিকাণ্ড।
জানিব পৰা মতে,আমোলাপট্টি বাসিন্দ প্ৰশান্ত কুমাৰ বৰাৰ পৰিয়ালটো চিকিৎসাৰ বাবে গুৱাহাটীলৈ গৈছিল। প্ৰশান্ত কুমাৰ বৰাৰ পৰিয়ালটো ঘৰত নথকাৰ সুযোগ লৈ চোৰৰ দলটোৱে ঘৰত লুট-পাট চলাই প্ৰায় ৩ লাখ টকাৰ সোণৰ গহণা আৰু নগদ ৮০ হাজাৰ টকা লুট কৰি লৈ যায়(Miscreants allegedly loot lakhs of rupees from a family in nagaon)।
মঙলবাৰে নিশা গুৱাহাটীৰ পৰা ঘৰলৈ ঘূৰি অহাৰ পিছতে এই কথা গম পায় প্ৰশান্ত কুমাৰ বৰাৰ পৰিয়ালে। নিশাই প্ৰশান্ত বৰাৰ ঘৰত ইটাচালী আৰক্ষী উপস্থিত হৈ ঘটনাৰ তদন্ত আৰম্ভ কৰিছে।
উল্লেখযোগ্য যে, বিগত জুন মাহৰে পৰা নগাঁও চহৰত ব্যাপক হাৰত চুৰি-ডকাইতিৰ ঘটনা বৃদ্ধি হৈছে। গৃহস্থ নাথাকিলেই চোৰৰ দলে লুটপাত চলাই বহু পৰিয়ালক সৰ্বস্বান্ত কৰিছে। মঙলবাৰৰ দিনটোতে চামগুৰিতো গৃহস্থ নথকাৰ সুযোগ লৈ এগৰাকী বন বিষয়াৰ ঘৰত লুটপাত চলাইছিল। আৰক্ষীৰ অনিয়মীয়া টহলৰ বাবেই জিলাখনৰ বিভিন্ন প্ৰান্তত এইদৰে চুৰি-ডকাইতিৰ ঘটনা বৃদ্ধি পোৱাৰো অভিযোগ তুলিছে ৰাইজে।
লগতে পঢ়ক : Road Accident in Majuli : এক হৃদয় বিদাৰক ঘটনা ; দুৰ্ঘটনাত নিহত পিতা-পুত্ৰ