নিউজ ডেস্ক,১৭জুলাই : এক শোকাৱহ পথ দুৰ্ঘটনা । দুৰ্ঘটনাত নিহত পিতা-পুত্ৰ ।
মাজুলীৰ পুৰণিবাৰীত সংঘটিত হৈছে মৰ্মান্তিক দুৰ্ঘটনা। মঙলবাৰে দুপৰীয়া মাজুলীৰ পুৰণিবাৰীত দুখন মটৰ চাইকেলৰ মাজত মুখামুখি সংঘৰ্ষ হয় ফলত গুৰুতৰভাৱে আহত হয় পিতা-পুত্ৰ। গড়মূৰ দিশৰ পৰা AS-03-V 8085 নম্বৰৰ মটৰ চাইকেলেৰে জেংৰাই দিশৰ পৰা অহা AS -04 Z-5332 নম্বৰৰ মটৰ চাইকেলখনে মুখামুখি সংঘৰ্ষ হয়। সংঘৰ্ষৰ ফলত মটৰচাইকেলসহ পকীপথৰ ওপৰতে ওফৰি পৰি পিতা-পুত্ৰ ৷ ফলত গুৰুতৰভাৱে আহত হয় পিতা-পুত্ৰ(Road Accident in Majuli) ।
প্ৰথমাৱস্থাত দুৰ্ঘটনা আহত লোক দুজনক গড়মূৰৰ শ্ৰীশ্ৰীপীতাম্বৰদেৱ গোস্বামী জিলা চিকিৎসালয়লৈ ভৰ্তি কৰেৱা হৈছিল যদিও গুৰুতৰভাৱে আহত ভোগেশ্বৰ নাথ আৰু পুত্ৰ বসন্ত নাথক প্ৰাথমিক চিকিৎসাৰ অন্তত উন্নত চিকিৎসাৰ বাবে ডিব্ৰুগড়ৰ অসম চিকিৎসা মহাবিদ্যালয়লৈ প্ৰেৰণ কৰা হৈছিল। কিন্তু চিকিৎসালয় পোৱাৰ পূৰ্বে মৃত্যু ঘটে পিতা-পুত্ৰৰ। নিহত পিতা-পুত্ৰ সোণাৰিআটি মধ্য ইংৰাজী বিদ্যালয়ৰ অৱসৰপ্ৰাপ্ত প্ৰধান শিক্ষক ভোগেশ্বৰ নাথ (৭०) আৰু পুত্ৰ বসন্ত নাথ(৪৯) বুলি জানিব পৰা গৈছে ।
পিতা-পুত্ৰৰ মৃত্যু পিছতে উত্তপ্ত পৰিস্থিতিৰ সৃষ্টি হয় মাজুলীৰ গড়মূৰ থানাত। উত্তপ্ত ৰাইজে ঘেৰাও কৰে গড়মূৰ থানা। ইতিমধ্যে গড়মূৰ আৰক্ষীয়ে দুই উদণ্ড বাইক চালক দেবজিৎ ৰেগন আৰু লক্ষজিৎ ৰেগনক আটক কৰিছে(Road Accident in Majuli) ।
লগতে পঢ়ক : World Day for International Justice 2024 : আজি আন্তৰ্জাতিক ন্যায় দিৱস