Businessman Ashok Goel murder accused detained in Goalpara : অশোক গোৱেলৰ হত্যাকাণ্ডৰ লগত জড়িত এজন অভিযুক্তক আটক
নিউজ ডেস্ক,১৭জুলাই : গোৱালপাৰা আৰক্ষীৰ জালত অশোক গোৱেলৰ হত্যাকাৰী। জাহিদুল ইছলাম নামৰ এটা ডকাইতক গ্ৰেপ্তাৰ কৰিছে আৰক্ষীয়ে। মঙলবাৰে নিশা ৪নং বলদমাৰী চৰৰ পৰা গ্ৰেপ্তাৰ কৰে ডকাইটোক ।
জানিব পৰা অশোক গোৱেলৰ হত্যাৰে জড়িত ডকাইতৰ দলৰ গাড়ীচালক জাহিদুল ইছলাম। এই হত্যাকাণ্ডৰ সৈতে জড়িত আছে আন চাৰিটা অভিযুক্ত । এই ঘটনাৰ মূল তিনি অভিযুক্ত বহিঃৰাজ্যত আত্মগোপন কৰি আছে বুলি আৰক্ষীয়ে উল্লেখ কৰিছে । ইতিমধ্যে ধৃত জাহিদুল ইছলামক গোৱালপাৰা সদৰ থানাত আৰক্ষীয়ে মাৰাথন জেৰা অব্যাহত ৰাখিছে(Businessman Ashok Goel murder accused detained in Goalpara) ।
উল্লেখ্য যে, সোমাবাৰে নিশা অশোক গোৱেল নাম ব্যৱসায়ীগৰাকীক পুত্ৰৰ সৈতে ধূপধৰাৰ পৰা গোৱালপাৰা চহৰলৈ গৈ থকা অৱস্থাত দুৰ্বৃত্তৰ দল এটাই শূন্য দূৰত্বৰ পৰা গুলীয়াই হত্যা কৰিছিল ।
৷ অশোক গোৱেলৰ পুত্ৰই এই সন্দৰ্ভত উল্লেখ কৰা মতে,এই ঘটনাটো সংঘটিত কৰাৰ পূৰ্বে তিনি দুৰ্বৃত্তই গাড়ীৰ পৰা নামি প্ৰথমে অশোক গোৱেলক মাৰপিট কৰিছিল। দুৰ্বৃত্তই মাৰপিটৰ পিচত ব্য়ৱসায়ীগৰাকীৰ পুত্ৰ আৰু গাড়ী চালকক গাড়ীৰ পৰা নমাই অশোক গোৱেলক গাড়ীখনৰ সৈতে ওচৰৰে এটা ভিতৰুৱা পথৰে লৈ যায় আৰু গাড়ীৰ ভিতৰতে শূন্য দূৰত্বৰ পৰা মূৰত গুলীয়াই হত্যা কৰে ৷ তাৰ পিচতেই দুৰ্বৃত্তৰ দলটোৱে গাড়ীত থকা নগদ ধনৰ টোপোলা লৈ ঘটনাস্থলীৰ পৰা পলায়ন কৰে ৷
লগতে পঢ়ক : Firing between police and extremist : আৰক্ষী আৰু উগ্ৰপন্থীৰ মাজত সংঘৰ্ষ;নিহত ৩ উগ্ৰপন্থী